نړۍ
3 د لوستلو دقیقې
ټرمپ په روسیه کې د ډیزلو پر چاڼځایونو د اوکراین پر بریدونو نیوکه وکړه
ټرمپ وویل ، "زیلینسکي په ډیره بې پروا  او  ښکاره توګه، د هغو ټولو پیسو سره سره چې اروپا او درغلي کوونکي جو بایډن په تېر کې هغه ته ورکړي، دا جګړه نه غواړي پای ته ورسوي او ښايي هېڅکله یې نه وي غوښتي."
ټرمپ په روسیه کې د ډیزلو پر چاڼځایونو د اوکراین پر بریدونو نیوکه وکړه
ټرمپ

 د امریکا ولسمشر ډونالډ ټرمپ، د اوکراین پر ولسمشر ولادیمیر زیلینسکي نیوکه وکړه چې په روسیه کې د ډیزلو د چاڼځایونو په په نښه کولو سره د ډیزلو نړیوالو بازارونو ته جدي زیان رسوي او د جګړې پای ته رسولو ته لېوالتیا نه لري.

ډونالډ ټرمپ دا څرګندونې د «ټروټ سوشل (TruthSocial)» په نوم ټولنیزې شبکې کې په خپله پاڼه کې خپرې کړې دي.

ټرمپ د دې په بیانولو سره چې د روسیې او اوکراین ترمنځ د جګړې د سولې خبرې اترې پرمخ وړي، وویل چې نه غواړي داسې کوم کار وکړي چې روسیه په «احمقانه ډول» د خبرو له مېز څخه لرې کړي.

ټرمپ ادعا وکړه چې په خبرو اترو کې، چې د یرغمل شویو کسانو پر سر روانې خبرې هم پکې شاملې دي، لوی پرمختګ شوی او ټینګار یې وکړ چې هغه کولای شي د سولې هوکړه‌لیک «په هر هغه وخت کې چې ویې غواړي» لاسلیک کړي.

ټرمپ د دې په څرګندولو سره چې روسیې له ایران سره د مرستې لپاره ډېر لږ کار کړی او «حتی هېڅ یې نه دي کړي»، زیاته کړه: «او زه غواړم دا وضعیت همداسې وساتم، او تر هغې به یې وساتم چې احمق خلک پکې مداخله ونه کړي.»

"زیلینسکي دا جګړه نه غواړي پای ته ورسوي او ښايي هېڅکله یې نه وي غوښتي"

له بلې خوا، ډونالډ ټرمپ د اوکراین پر ولسمشر ولادیمیر زیلینسکي نیوکه وکړه چې په روسیه کې د ډیزلو چاڼځایونه په داسې حال کې په نښه کوي چې پوهېږي دا کار د امریکا په ګډون د ډیزلو نړیوالو بازارونو ته جدي زیانونه رسوي.

ټرمپ وویل چې د دغو بریدونو له امله کروندګرو او نورو سوداګریو ته لوی زیان اوښتی دی، خو له دې سره سره یې دې ته پام واړاوه چې روسیه نړۍ ته په ټیټه بیه میلیونونه بېرله ډیزل لېږي.

ټرمپ وویل: «زیلینسکي پروا نه لري او په ښکاره توګه، د هغو ټولو پیسو سره سره چې اروپا او درغلي کوونکي (پخواني ولسمشر) جو بایډن په تېر کې هغه ته ورکړي، نه غواړي دا جګړه پای ته ورسوي او ښايي هېڅکله یې نه وي غوښتي. دوه کاله وړاندې هغه کولای شول چې د اوس په پرتله ډېره غوره هوکړه وکړي.»

ټرمپ د دې په بیانولو سره چې «د زیلینسکي هېواد په ویجاړ حالت کې دی، د خاورې لویه برخه یې له لاسه ورکړې، او نارینه نفوس یې یا ټپي او یا وژل شوی دی»، یادونه وکړه چې هغه غواړي د اوکراین او روسیې ترمنځ دا جګړه چې د ۲۰۲۲م کال له فبرورۍ راهیسې روانه ده، ژر تر ژره پای ته ورسېږي.

 

وپلټۍ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي
یو عدلي طب کارپوه وايي چې د اپسټین مړینه تر ځان‌وژنې ډېره له وژنې (قتل) سره ورته والی لري
وینس وايي د ټرمپ اداره به اجازه ورنه کړي چې له ایران سره جګړه پر یوې بلې «نه ختمېدونکې جګړې» بدله شي
د مهمو خبرونو غورچاڼ
اردوغان د تورکیې په کوربه‌توب د COP31 سرمشریزه په تاریخ کې «تر ټولو بریالۍ» سرمشریزه وبلله.
ایران وايي چې هرمز تنګي ته نږدې یې د امریکا یوه پوځي بې‌ پیلوټه الوتکه نیولې ده
عراقچي وايي،د امریکا لخوا د ایران د شرطونو د منلو په صورت کې په دوو ورځو کې به هرمز تنګی پرانیزو.
په هرمز تنګي کې درې د تېلو لېږدوونکې بېړۍ له سمندري ماینونو سره جنګیدلي دي.
شیخه حسینه واجد وايي چې د اعدام د سزا له ګواښ سره سره به په ډسمبر کې بنګله دېش ته ستنه شي.