د کریملین ویاند، دیمتري پیسکوف، د سه شنبې په ورځ وویل چې د دوشنبې په ورځ د روسیې او اوکراین تر منځ په استانبول کې شوي خبرې "مهمې" دي، خو د جګړې د پای ته رسېدو لپاره باید له ژر پرمختګ هیله ونه شي.
پیسکوف چې په مسکو کې یې د خبري غونډې پر مهال خبرې کولې، ټینګار وکړ چې د موضوع د پېچلتیا له امله "سمدستي د حل لارې او چټک پرمختګونو" باید تمه و نه شي. خو د هغه په وینا، خبرې روانې دي.
هغه وویل : یقیناً، دا به ناسمه وي چې سمدستي د حل لارې او پرمختګونه تمه وکړو. خو کار روان دی، او په استانبول کې یو شمېر موافقې شوې دي. دا موافقې مهمې دي، ځکه چې بالاخره د خلکو ژوند پورې تړاو لري. دا موافقې به عملي شي، او خبرې به دوام وکړي."
پیسکوف زیاته کړه چې روسیې اوکراین ته یو یادداشت سپارلی، چې د مسکو د حللارو لیدلوری پکې بیان شوی، چې ګڼ موارد او بدیلونه پکې شامل دي.
هغه وویل :زه یو ځل بیا ټینګار کوم چې موږ څو ځله ویلي، د دې شخړې حل یوه ډېره پېچلی موضوع ده، چې ګڼو جزئیاتو ته اړتیا لري. هر څه دې ته متوجه شوي چې د شخړې اصلي عوامل له منځه یوسي او د یوه پایدار حل لور ته لاړ شي."
د لوړپوړو اړیکو لپاره چمتووالی
کله چې له پیسکوف څخه د روسیې، امریکا او اوکراین د ولسمشرانو تر منځ د درې اړخیزې ناستې په اړه وپوښتل شول، ویې ویل چې دا ناسته ښايي ډېره ژر ترسره نه شي.
هغه وویل: (د روسیې) ولسمشر (ولادیمیر) پوتین څو ځله خپل چمتووالی د لوړپوړو اړیکو لپاره څرګند کړی، خو ټینګار یې کړی چې دا ډول تماسونه باید د تخنیکي او کارپوهانو د کچې د خبرو له مخې لاسته راوړل شوي توافقاتو پر بنسټ وي. ولسمشر پوتین د اړیکو د نظریې ملاتړ کوي، خو باور لري چې دا باید په ښه توګه چمتو شي.
پیسکوف د اوکراین پر ولسمشر ولادیمیر زلنسکي هم نیوکه وکړه او ویې ویل چې هغه د روسي پلاوي په اړه بېادبانه خبرې کړې دي، چې دا ډول چلند د خبرو د روحیې سره نهښايي.
استانبول د دوشنبې په ورځ د روسیې او اوکراین د خبرو دوهم پړاو کوربه و، وروسته له هغه چې لومړۍ ناسته د مې میاشتې په ۱۶مه شوې وه.
په دې ځل ناسته کې دواړو خواوو موافقه وکړه چې نور اسیران به تبادله کوي — په ځانګړي ډول تر ټولو ځوان او ډېر ټپي شوي کسان — او د ۱۲,۰۰۰ وژل شویو سرتېرو مړي به تبادله کېږي، چې د وسلهوالې شخړې پر مهال وژل شوي دي.
