دغه پیښه په سویل لویدیځ منګیستاو سیمه کې هغه مهال رامنځته شوه کله چې سرتیرو د جنګي روزنې ماموریت ترسره کاوه.
وزارت وویل چې د هوا حالت ناڅاپه خراب شو او سختو بادونو وضعیت لا خطرناک کړ.
د لومړنیو معلوماتو له مخې، ۱۹ تنه سرتیري سمندر کې ډوب شوي دي.
درې تنه ژغورل شوي، په داسې حال کې چې د لټون او ژغورنې ډلو د پاتې سرتیرو د موندلو لپاره خپلو هڅو ته دوام ورکړی دی.
د دفاع وزیر د بېړنيو عملیاتو مشري په غاړه لري.
د دفاع وزیر دورین کوسانوف په مشرۍ یو کمیسیون په بیړني ډول د پیښې ځای ته واستول شو ترڅو د پیښې شرایط معلوم کړي او د ژغورنې روان عملیات همغږي کړي.
د دفاع وزارت وویل چې د لټون د هڅو او د سرتیرو د وضعیت په اړه نور معلومات به هغه مهال خپاره شي چې جزئیات ترلاسه او تایید شي.
دغه پیښه په داسې وخت کې رامنځته شوې چې د قزاقستان وسله وال ځواکونه په منظم ډول هغه تمرینونه ترسره کوي چې موخه یې د کسپین سیمې په سمندري او نورو پوځي عملیاتو کې د پرسونل روزنه ده.
