د ایران د ملي امنیت د عالي شورا عمومي منشي محسن رضايي په خپل ټولنیز حساب کې په خپره شوې خبرپاڼه کې د خپل هېواد او امریکا متحده ایالاتو ترمنځ د فبرورۍ له میاشتې راهیسې د روان پوځي تاوتریخوالي په اړه ارزونې شریکې کړې.
رضايي د ایران په لاس کې د شتو غني شویو یورانیمو د برخلیک په اړه شته بحثونو ته په اشارې، وویل: «د غني شویو یورانیمو ان یو ګرام به هم له ایرانه بهر ونه ایستل شي.»
«د ایران ټول شرایط باید په بشپړ ډول ومنل شي»
وړاندیز شوي
رضايي د واشنګټن له ادارې سره د ممکنه خبرو اترو پر بهیر ټینګار وکړ او ويې ویل چې دا چاره د باور له جوړېدو پورې اړه لري: «ترڅو چې امریکا د باور رامنځته کولو لپاره کوټلي ګامونه پورته نه کړي، هیڅ ډول خبرې اترې به ترسره نه شي. دا بهیر باید د ایران د ټولو شرایطو له استثنا پرته منلو او پلي کولو سره پیل شي.»
