نړۍ
3 د لوستلو دقیقې
امریکا منځني ختیځ کې دریمه الوتکې وړونکې بیړنۍ واستوله
له ایران سره د تاوتریخوالي په منځ کې د امریکا «یو اېس اېس تیوډور روزویلټ» الوتکه وړونکې بېړۍ په منځني ختیځ کې له دوو نورو امریکايي بېړیو سره یوځای شوه
امریکا منځني ختیځ کې دریمه الوتکې وړونکې بیړنۍ واستوله
امریکا منځني ختیځ کې دریمه الوتکې وړونکې بیړنۍ واستوله / Reuters

په داسې حال کې چې ایران په بحرین کې د بریدونو ادعا کوي او له تهران سره ډیپلوماتیکې هڅې په ټپه ولاړې دي، د دغې بېړۍ رسېدل په سیمه کې د امریکا سمندري حضور لا پیاوړی کوي.

د امریکا متحده ایالاتو پوځ منځني ختیځ ته د الوتکه وړونکې بېړۍ درېیم ضربتي ګروپ استولی دی، ترڅو له ایران سره د زیات شوي تاوتریخوالي په ترڅ کې خپل سمندري حضور لا پیاوړی کړي.

د «د نشنل» (The National) ورځپاڼې د راپور له مخې، یوه امریکايي چارواکي ویلي چې د «یو اېس اېس تیوډور روزویلټ» (USS Theodore Roosevelt) بېړۍ د یکشنبې په ورځ د امریکا د مرکزي قوماندانۍ سینټکام د مسؤلیت ساحې ته داخله شوه او له «یو اېس اېس جورج واشنګټن» او «یو اېس اېس جورج اېچ ډبلیو بوش» بېړیو سره یوځای شوه.

سیمې ته د روزویلټ بېړۍ رسېدل د امریکا د سمندري ځواک د پام وړ تمرکز ښکارندويي کوي، په داسې حال کې چې د ټرمپ اداره پر دې غور کوي چې ایا د ایران پر وړاندې د پراخو پوځي عملیاتو بل پړاو پیل کړي که نه.

دا ځای پر ځای کېدل په داسې حال کې ترسره کېږي چې ایران د یکشنبې په ورځ په تېرو دریو ورځو کې د دویم ځل لپاره پر بحرین د بې‌پیلوټه الوتکو (ډرون) د برید ادعا وکړه؛ په دې سره د نښتو شاوخوا دوه میاشتنی درېدلی حالت پای ته ورسېد، په داسې حال کې چې له واشنګټن سره د سولې خبرې اترې په ټپه ولاړې دي. د یکشنبې برید د جمعې ورځې له هغې پېښې وروسته وشو چې پکې امریکايي ځواکونو د دغه خلیجي هېواد پر لور روانې دوه ایراني بې‌پیلوټه الوتکې شنډې کړې وې.

نه پینټاګون او نه هم د امریکا مرکزي قوماندانۍ سینټکام چې په منځني ختیځ کې د پوځي عملیاتو څارنه کوي  د دغې بېړۍ د ځای پر ځای کېدو د مهالوېش په اړه رسمي تایید خپور کړی دی.

دا تازه نښتې او تبادلې د پراخې ډیپلوماتیکې ماتې او په سیمه کې د امریکا د پوځي چمتووالي د زیاتوالي په منځ کې رامنځته کېږي، چې دا د ایران پر وړاندې د روانې جګړې یوه برخه ده؛ هغه جګړه چې د فبرورۍ په وروستیو کې د امریکا او اسراییلو په همغږو بریدونو سره پیل شوې وه.

د امریکا ولسمشر ډونالډ ټرمپ په دې وروستیو کې مرستیال ولسمشر جي ډي وینس د سولې له خبرو څخه لرې کړ او پر ټولنیزو رسنیو یې اعلان وکړ چې واشنګټن نور له تهران سره هوکړې ته اړتیا نه لري.

د الوتکه وړونکې بېړۍ له ځای پر ځای کېدو سره سره، د امریکا پوځ په دې وروستیو کې د اسراییلي رسنیو هغه راپور رد کړ چې پکې ادعا شوې وه امریکا د ایران پر وړاندې د احتمالي عملیاتو د بیا پیلولو لپاره چمتووالی نیسي، او په سیمه کې د ځواکونو د وضعیت د بدلون په اړه یې ادعاوې «محض ګومانونه» وبلل.

وپلټۍ
ټرمپ، شي جینپینګ او پوتین به په چین کې خپله لومړنۍ درې اړخیزه غونډه وکړي.
په استانبول کې د مشرانو تر لیدنې وروسته د تورکیې او قطر مهم دفاعي تړون لاسلیک کړ .
د مهمو خبرونو غورچاڼ
د جرمونو نړیوالې محکمې په افغانستان کې د ادعا شویو جرمونو په اړه د پلټنو  د تړولو امر کړی دی
د سولې بورډ د  ټرمپ د غزې د سولې پلان د «سمدستي او له نور ځنډ پرته» د پلي کېدو غوښتنه وکړه
د سولې د خبرو اترو د پراخېدو له هڅو سره هممهاله، روسیه او اوکراین په یو بل د بریدونو نه خبر ورکړی
د سعودي عربستان په مشرۍ ایتلاف د حوثي ملیشو بې پیلوټه الوتکه وویشتله.
د پاکستان په شمال کې د مسافرو یو بس سیند ته لوېدلی چې له امله یې ۱۱ کسان وژل شوي دي.
پاکستان په بلوچستان او خیبر پښتونخوا ایالتونو کې د امنیتي ځواکونو په عملیاتو کې ۷۴ وسله‌وال وژل شوي
په نړۍوالو بازارونو کې د دویمې اونۍ لپاره د تیلو بیې مخ په ټیټیدو دي
اردوغان: د COP31 سرمشریزې پر مهال د نړیوالو مشرانو ژمنتیا د پاریس اقلیمي تړون د پیاوړتیا نښه ده.
د امریکا په پلازمینه  واشنګټن ډي سي کې سپینې ماڼۍ ته نږدې وسله وال برید شوی.
روسیې له افغانستان کې یو زیات شمیر سوداګریز تړونونه لاسلیک کړل
د مهمو خبرونو غورچاڼ
یو لوړپوړی روسي پلاوی له طالبانو سره د سوداګرۍ او پانګونې په اړه د خبرو لپاره افغانستان ته رسیدلی دی