د پاکستان په شمال لویدیځ کې پر امنیتي پوستې او امبولانسونو بریدونو کې ۳ تنه ووژل شول
د پاکستان په شمال لویدیځ کې د دوشنبې په ورځ پر یوې نیمه پوځي پوستې د بې پیلوټه الوتکې برید شوی چې له امله یې ګڼ شمیر افسران ټپیان شوي دي. وروسته برید کوونکو پر دوو امبولانسونو چې د ټپیانو د لیږدول برید وکړ چې په پایله کې یې درې افسران ووژل شول او دوه ژغورونکي ټپیان شول.
دغه برید د خیبر پښتونخوا ایالت په کرک ولسوالۍ کې رامنځته شوی دی. د پېښې پړه تر اوسه کومې ډلې پر غاړه نه ده اخیستې، خو شک کیږي چې دا برید به د پاکستاني طالبانو، چې د تحریک طالبان پاکستان (TTP) په نوم پیژندل کیږي، کار وي.
د پولیسو ویاند، شوکت خان، ویلي چې په وروستیو میاشتو کې د پاکستاني طالبانو له خوا د امنیتي پوستو د په نښه کولو لپاره د بې پیلوټه الوتکو کارول زیات شوي، چې د دا ډول بریدونو د پیچلتیا په اړه یې اندیښنې راپورته کړي دي.
د یادونې وړ ده چې د پاکستان پوځ د یکشنبې په ورځ په افغانستان کې په ۷ جلا جلا نقطو هوايي بریدونه وکړل . پاکستان پوځ پدې بریدونو کې لږ تر لږه ۷۰ تنو وسله والو د وژلو ادعاء وکړه چې د افغانستان له لارې په کلکه توګه رد شوې ده. پاکستاني چارواکو ویلي وو چې دغه بریدونه یې د هغو پاکستاني وسله والو پر پټنځایونو کړي چې په دې وروستیو کې یې په دغه هیواد کې د بریدونو پړه پر غاړه اخیستې وه خو افغان چارواکو د پاکستان د ادعا په ردولو سره ویلي دي چې بریدونه ټول د ملکي خلکو په کورونو شوي دي او پدې بریدونو کې ګڼشمیر ملکي وګړو ته چې ښځې او ماشومان هم پکې شامل دي مرګ ژوبله اوښتې ده.
د بله پلوه په افغانستان کې د ملګروملتونو دفتر یوناما هم ویلي دي چې په افغانستان کې د پاکستان په بریدونو کې ۱۳ تنو ملکي وګړو ژوند د لاسه ورکړی چې ښځې او ماشومان هم پکې شامل دي.
