د تورکیې د مالیې وزارت په وینا پدې لیدنه کې د تورکیې د مرکزي بانک رئیس فاتح قره خان هم په دې غونډه کې ګډون کړی و. د چارواکو په وینا دا غونډه په یو ډیره ګټور او مثبته فضا کې تیره شوه. دواړو پلاوو د ولسمشر رجب طیب اردوغان او ډونلډ ټرمپ ترمنځ د څو اړخیزو اړیکو د پرمختګ لپاره ګډه سیاسي اراده تایید کړه.
د خبرو تمرکز د پانګونې، سوداګرۍ، ترانسپورت او انرژۍ په څېر مهمو برخو کې د همکارۍ د پیاوړتیا پر موضوع و. شیمشک په ځانګړې توګه د اوسنیو محدودیتونو د لرې کولو پر اهمیت ټینګار وکړ چې د دفاعي صنعت په برخه کې دوه اړخیزه همکاریو پر وړاندې خنډونه رامنځته کړي دي. هغه وویل چې دا د اړیکو د ژورتیا لپاره یوه حساسه او مهمه برخه ده .
د تورکیې پلاوي د هېواد د روانو اقتصادي ثبات هڅو په اړه هم تفصیلات وړاندې کړل. وزیر شیمشیک ټینګار وکړ چې انقره "محتاطه او دوامداره ماکرو اقتصادي پالیسۍ" تعقیبوي، لکه څنګه چې په وروستیو نړیوالو غونډو کې، په شمول د پیسو نړۍوال وجهي صندوق او نړۍوال بانک په پسرلینو غونډو کې یادونه کړې وه.
د اقتصاد سربېره، دواړو خواوو د سیمې پر مهمو مسایلو خبرې وکړې. د تورکیې چارواکو د سوریې د بندیزونو د لرې کولو اړتیا په ګوته کړه او د اوکراین د اوربند د ترلاسه کولو لپاره د تورکیې روانې ډیپلوماتیکې هڅې یې تشریح کړې.
د ۱۰۰ میلیارد ډالرو سوداګرۍ هدف ته رسېدل
دا خبرې په داسې حال کې وشوې چې د تورکیې او امریکا اقتصادي اړیکې د پرمختګ به حال کې دي، او دواړه حکومتونه د دوه اړخیزې سوداګرۍ د ۱۰۰ میلیارد ډالرو هدف ته د رسېدو ژمنتیا کوي. دا هدف په وروستیو ډیپلوماتیکو خبرو کې په ګوته شوی دی.
شنونکي تمه لري چې په راتلونکو میاشتو کې به د واشنګټن د سفر پر مهال د بحث شویو ځانګړو نوښتونو د پرمختګ لپاره تخنیکي غونډې ترسره شي. لکه څنګه چې تورکیه د یوه سیمهییز اقتصادي او ستراتیژیک لوبغاړي په توګه خپل ځای بدلوي، له واشنګټن سره پیاوړې همکاري ممکنه ده چې مهمه ثابته شي.
