د تاجکستان-افغانستان پر پوله نښته کې ۵ تنه ووژل شول
راپورونو له مخې د تاجکستان-افغانستان پر پوله په یوې وسلهوالې نښته کې پنځه کسان وژل شوي دي.
د تاجکستان د سرحدي ځواکونو له خوا په خپره شوې خبرپاڼه کې ویل شوي، چې له افغانستان څخه یو شمېر وسلهوالو غوښتل په ناقانونه توګه دغه هېواد ته ننوځي، چې د تاجکستاني سرحدي ځواکونو او وسلهوالو ترمنځ نښته رامنځته شوه.
خبرپاڼه زیاتوي چې په دې نښته کې درې تنه بریدګر چې پر سرحدي پوستې یې برید کړی و او دوه تنه تاجکستاني سرتېري وژل شوي دي.
په خبرپاڼه کې یادونه شوې چې دا په تېره یوه میاشت کې د تاجکستان-افغانستان پر پوله درېیم برید دی چې له امله یې یو شمېر ملکي وګړي او سرتېري وژل شوي دي. خبرپاڼې ادعا کړې چې د افغانستان حکومت پر پوله د امنیت د تامین په برخه کې خپله دنده نه ده ترسره کړې.
په خبرپاڼه کې ویل شوي، چې پر پوله امنیت ټینګ شوی او د پېښې په اړه پلټنې پیل شوې دي.
