نړۍ
2 د لوستلو دقیقې
په ټوله اروپا کې د امریکا سفارتونو خپلو اتباعو ته د احتمالي امنیتي ګواښونو په اړه خبرداری ورکړ
د امنیت په اړه په یوه همغږي شوي خبرداری کې له امریکایانو غوښتل شوي چې د رخصتیو موسم په رانږدې کېدو سره په ګڼ‌ میشتو عامه غونډو، سیاحتي ځایونو او ترانسپورتي مرکزونو کې هوښیار او محتاط واوسي.
په ټوله اروپا کې د امریکا سفارتونو  خپلو اتباعو ته د احتمالي امنیتي ګواښونو په اړه خبرداری ورکړ
کرسمس جشن / AP (Wire)

په ټوله اروپا کې د امریکا سفارتونو د امنیت په اړه یو ګډ خبرداری خپور کړی او امریکایي اتباعو ته یې د رخصتیو موسم په رانږدې کېدو سره د احتمالي امنیتي ګواښونو په اړه خبرداری ورکړی دی.

په لندن کې د امریکا سفارت په یوه اعلامیه کې، چې بریتانیا او د اروپا نورې برخې رانغاړي، ویلي: "امریکایي اتباع باید د خپل شاوخوا چاپېریال په اړه هوښیار واوسي او د خپل شخصي امنیت او د وضعیت د څارنې لپاره لازم احتیاطي تدابیر ونیسي."

په خبرداري کې ویل شوي چې لویې غونډې او عامه مراسم ښايي "د ترهګرو ډلو او مجرمینو لپاره د برید مناسب فرصت" برابر کړي.

په اعلامیه کې راغلي چې احتمالي هدفونه ښايي سیاحتي ځایونه، لکه بازارونه، ترانسپورتي مرکزونه، سوداګریز مرکزونه، د عبادت ځایونه او نورې عامه سیمې وي.

په اعلامیه کې زیاته شوې: «امریکایي اتباع باید د رخصتیو په جشنونو، مراسمو او نورو هغو ځایونو کې چې ګڼ خلک پکې راټولېږي، ډیر احتیاط وکړي.»

سفارت دا خبرداری هم ورکړی چې د رخصتیو په موسم کې ښايي په ټوله اروپا کې سفرونه او ورځنی ژوند له خنډونو سره مخ شي.

بیان یادونه کړې چې په روانه میاشت کې د اروپا په څو هېوادونو کې ملکي هوايي چلند د بم اېښودلو د جعلي ګواښونو هدف ګرځېدلی و، چې له امله یې الوتنې له خنډونو سره مخ شوې وې.

په اعلامیه کې ویل شوي: «امریکایان باید بهرنیو هېوادونو ته د رخصتیو پر مهال د سفر په وخت کې ځايي خبرونه وڅاري، ترڅو د هغو سیمه‌ییزو پېښو او پرمختګونو په اړه خبر وي چې ښايي د ترانسپورټ یا ورځني ژوند بهیر ګډوډولې شي.»

سفارت له امریکایي اتباعو غوښتي چې په بهرنیو هېوادونو کې د امنیتي تازه معلوماتو ترلاسه کولو لپاره د «سمارټ ټراویلر نوم ‌لیکنې پروګرام» کې نوم ‌لیکنه وکړي.

وپلټۍ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي
یو عدلي طب کارپوه وايي چې د اپسټین مړینه تر ځان‌وژنې ډېره له وژنې (قتل) سره ورته والی لري
وینس وايي د ټرمپ اداره به اجازه ورنه کړي چې له ایران سره جګړه پر یوې بلې «نه ختمېدونکې جګړې» بدله شي
د مهمو خبرونو غورچاڼ
اردوغان د تورکیې په کوربه‌توب د COP31 سرمشریزه په تاریخ کې «تر ټولو بریالۍ» سرمشریزه وبلله.
ایران وايي چې هرمز تنګي ته نږدې یې د امریکا یوه پوځي بې‌ پیلوټه الوتکه نیولې ده
عراقچي وايي،د امریکا لخوا د ایران د شرطونو د منلو په صورت کې په دوو ورځو کې به هرمز تنګی پرانیزو.
په هرمز تنګي کې درې د تېلو لېږدوونکې بېړۍ له سمندري ماینونو سره جنګیدلي دي.
شیخه حسینه واجد وايي چې د اعدام د سزا له ګواښ سره سره به په ډسمبر کې بنګله دېش ته ستنه شي.