د کاناډا لومړي وزیر مارک کارني او د اونټاریو چارواکو په تورنټو کې یو وحشیانه اسلاموفوبیک برید وغانده او دا ډول تاوتریخوالی یې په کاناډا کې د نه منلو وړ وباله.

د کاناډا لومړي وزیر مارک کارني د چهارشنبه په ورځ په شمالي تورنټو کې پر یوه مسلمان سړي د اسلاموفوبیک نفرت برید وغانده.

کارني د ټولنیزو رسنیو شرکت ایکس په پلیټ فارم کې وویل: "تیره میاشت په مارخم کې پر یوه مسلمان سړي برید ټکان ورکوونکی دی." هغه ټینګار وکړ چې "د تاوتریخوالي او اسلاموفوبیا کړنې په کاناډا کې ځای نلري،" او زیاته یې کړه: "چارواکي زما بشپړ ملاتړ لري ځکه چې دوی د عامل عدالت ته د راکاږلو لپاره کار کوي."

د سپتمبر په وروستیو کې، یو ۵۴ کلن سړی چې د تورنټو په مارخم کې په یوه هوټل کې د شپې د پلټونکي په توګه کار کاوه، د دوو پیرودونکو لخوا د هغه د توکمیز او مذهبي شالید په اړه وپوښتل شو.

یو له پیرودونکو څخه هوټل پریښود خو وروسته بیرته راغی او د هوټل پر کارکوونکي یې برید وکړ، چا چې ورته ویلي وو چې هغه مسلمان دی.

دغه مسلمان سړی داسې ټپي شو چې د ژوند په اوږدو کې به یې ورسره وي.

سیمه ییزو پولیسو په یوه بیان کې ویلي: "د نفرت ضد جرمونو د مخنیوي څانګې د مارخم په ښار کې د هوټل پر یوه کارکوونکي د تاوتریخوالي، له نفرت څخه ډک برید وروسته په تورنټو کې یو سړی تورن کړی دی."

پولیسو ویلي دي چې  تورن کس  چې ۳۱ کلن  دی ګیتانسن سریرانجن نومیږي، چې "قرباني کس يي په مرګ ګواښلی وو او پر هغه يي برید کړی دی.

د اونټاریو ایالت لومړي وزیر ډګ فورډ هم دا ناوړه برید وغانده او هغه یې "په بشپړه توګه د نه منلو وړ" وباله.

هغه په ایکس کې وویل: "زموږ حکومت د اونټاریو د مسلمانې ټولنې سره ولاړ دی او تل به د اسلاموفوبیا په وړاندې په هر شکل کې مبارزه وکړي."