د پوځ لخوا په یوه خپره شوې لیکلې اعلامیه کې، د «یمن سباوون» عملیاتو په چوکاټ کې د حوثیانو پر ضد د ترسره شویو پوځي عملیاتو په اړه معلومات ورکړل شوي دي.
د دې اعلامیې له مخې، په تېرو ۲۴ ساعتونو کې د حوثیانو پر مېشت ځایونو، موټرو او سنګرونو ۱۱۶۴ دقیق عملیات ترسره شوي او ۵۵۸ حوثي ملېشې له منځه وړل شوې دي.
د هېواد په سویل کې د مارب او تعز په ولایتونو کې د حوثیانو د ګڼو سنګرونو په نیول کېدو سره، ډېرې درنې وسلې او پوځي تجهیزات د پوځ لاسته ورغلي دي.
په یمن کې د اکتوبر په ۵مه د «یمن سباوون» په نوم پیل شوي پوځي عملیات لا هم دوام لري.
