د تورکیې د بشري حق او ازادیو په نامه د بشري مرستو بنسټ تېر کال په ۱۴ هېوادونو کې ۷۰ دایمي پروژې بشپړې کړې
د دغه بنسټ د دایمي پروژو په لړ کې، ۳۴ جوماتونه، د قران کریم ۲ کورسونه، ۱۲ ښوونځي، ۳ روغتیايي مرکزونه، ۵ کلتوري مرکزونه، یو د ډوډۍ تنور، یو کتابتون او یوه یتیم خانه جوړ شوي دي.
د بنسټ له خوا په خپره شوې خبرپاڼه کې راغلي، چې د تورکیې د بشري مرستو بڼسټ İHH په هغو سیمو کې چې زده کړو ته لاسرسی محدود دی، د ښوونځیو پرانیستلو او په هغو سیمو کې چې جوماتونه نه لري د اړتیا پوره کولو لپاره د جوماتونو پروژې پلې کړې دي.
د İHH د تېر کال د دایمي پروژو د کارونو په لړ کې، ۳۴ جوماتونه، د قران کریم ۲ کورسونه، ۱۲ ښوونځي، ۳ روغتیايي مرکزونه، ۵ کلتوري مرکزونه، یو د ډوډۍ تنور، یو کتابتون او یوه یتیم خانه جوړ شوي دي.
په پاکستان کې د سېلاب ځپلو کورنیو لپاره ۱۰ کورونه او په سریلانکا کې د یوې یتیمې کورنۍ لپاره ۱ کور جوړ شو.
تېر کال په ۱۰ هېوادونو کې د ۲۵ جوماتونو، د قران کریم د ۵ کورسونو، ۲ ښوونځیو، ۲ روغتیايي مرکزونو، یوه ښوونیز مرکز، یوه کلتوري مرکز، د مسلکي زده کړو د یوه کورس، د بنګله دېش د سېلاب ځپلو لپاره د ۱۰ کورونو، او د ۲ ټولنیزو او ښوونیزو کمپلکسونو د جوړولو کارونه دوام لري.
دغه بنسټ د خپلو تېر کال کارونو په چوکاټ کې، په غزه کې د "اونباشي حسن جومات" سره نږدې، چې په ۲۰۱۷ کال کې جوړ شوی و خو د ۲۰۲۳ کال په نوامبر کې د اسرائیلو په بریدونو کې ویجاړ شو، د صحرايي ډوله خېمې په سیستم یو بل جومات جوړ کړ. دغه ودانۍ ته بیا هم د "اونباشي حسن جومات" نوم ورکړل شو.
د سلام جومات پر ځای، چې د ۲۰۲۳ کال په نوامبر کې د اسرائیلو په بریدونو کې ویجاړ شوی و، هم پر ۵۰۰ متر مربع ځمکه د صحرايي ډوله خېمې په سیستم یو نوی جومات جوړ شو.
له بلې خوا، په غزه کې د لرګیو په جوړښت د صحرايي سیستم له مخې، د ټولټال ۲۸۸ زده کوونکو په ظرفیت، له ۸ درسي خونو او ۲ اداري واحدونو سره یو صحرايي ښوونځی جوړ شو.
د İHH له خوا تېر کال بشپړې شوې دایمي پروژې په افغانستان، بورکینا فاسو، ګانا، کینیا، مالي، مورو، نایجر، پاکستان، سیرا لیون، سریلانکا، سوریه، توګو، یوګانډا او ترکیه کې په فعالیت پیل کړی دی. سربېره پر دې، په هغو ځایونو کې چې روغتیايي خدماتو ته لاسرسی ممکن نه وي، دغه بنسټ مهم رول لوبوي.
د دغه بنسټ د کارونو په برکت، د یتیمانو او د طبیعي پېښو ځپلو کورنیو د استوګنې ستونزو ته حل لارې وړاندې کېږي.
