فیلیپین کې د  ریښتر په کچه د ۷.۴ درجې په شدت له زلزلې وروسته د سونامي خبرداری خپور شو.
دا زلزله د میندناو سیمې د منای ښارګوټي په ۲۰ کیلومترۍ کې شوې ده.

د ریښتر په کچه د  ۷.۴ درجې په شدت سره یوې ځواکمنې زلزلې د فیلیپین جنوبي برخې ولړزولې، او د دغه هېواد زلزله پېژندنې ادارې ویلي چې د زیانونو او ورپسې ټکانونو تمه کیږي.

د فیلیپین د زلزله پېژندنې ادارې مشر ټریسیټو باکولکول د جمعې په ورځ وویل، له زلزلې وروسته د سونامي خبرداری خپور کړی دی. دا زلزله د سهار په ۹:۴۳ بجې د میندناو سیمې د منای ښارګوټي په ۲۰ کیلومترۍ کې رامنځته شوه.

ادارې ویلي، په راتلونکو دوو ساعتونو کې د هېواد په ارام سمندر ساحل کې د یو متر لوړو څپو وړاندوینه شوې ده، او "په دغو سیمو کې ساحلي اوسېدونکو ته په کلکه سپارښتنه کیږي چې سمدستي لوړو ځایونو ته وخېژي یا له ساحل څخه نورو لرې سیمو ته ولاړ شي."

سرچینې زیاته کړې چې په دغو سیمو کې ساحلي اوسېدونکو ته "په کلکه سپارښتنه کیږي چې سمدستي لوړو ځایونو ته وخېژي او یا هم له ساحل څخه لرې سیمو ته ځانونه ورسوي."

تر اوسه د زیانونو او مرګ ژوبلې په اړه سمدستي راپورونه نه دي ورکړل شوي.

دا زلزله یوازې ۱۱ ورځې وروسته له هغې وشوه چې د سیبو په مرکزي ټاپو کې یوې ۶.۹ درجې زلزلې ۷۴ کسان وژلي وو او شاوخوا ۷۲۰۰۰ کورونه یې ویجاړ یا زیانمن کړي وو.