د ملي دفاع وزارت سرچینو د پنجشنبې په ورځ وویل چې تورکیه پلان لري د خپل دفاعي سیستم "فولادي ګنبد" په پراختیا سره د ټول هېواد لپاره یو څو پوړیزه هوايي دفاعي سیستم جوړ کړي.

سرچینو وویل: "موږ پلان لرو چې په لومړي سر کې په خپل هوايي دفاعي سیستم — فولادي ګنبد — پانګونه وکړو او دا څو پوړیزه هوايي دفاعي سیستم په ټول هېواد کې پراخ کړو."

د پلان شوې پرمختیاوو په لړ کې د توغندیو سیستمونو لکه هایپرسونیک، بالستیک او کروز توغندیو، الوتکو، جنګي بېړیو، ټانکونو، د ځمکې، سمندر او هوا لپاره بې پیلوټه سیستمونو کې پانګونه شامله ده. همدارنګه د راتلونکي نسل الوتکو وړونکو بېړیو او فریګیټونو جوړولو ته هم پام شوی دی.

سرچینو زیاته کړه چې تورکیې د ناټو د ۲ سلنه دفاعي لګښت هدف څخه زیات مصرف کړی دی.

سرچینو وویل: "تورکیه چې د ناټو په ائتلاف کې دویم لوی پوځ لري، د ناټو په ماموریتونو او عملیاتو کې د پنځو مخکښو هېوادونو په ډله کې ده." هغوی زیاته کړه چې هېواد د ټولو ټاکل شوو وړتیاوو اهداف ترلاسه کړي او د دفاعي صنعت په پرمختګ او څېړنو کې پانګونې ته دوام ورکوي.