ټرمپ وايي له جنوبي کوریا سره لوی اقتصادي او دفاعي تړونونه په اړه موافقه کړې ده

ټرمپ وايي چې سیول به د تعرفو کمولو لپاره ۳۵۰ میلیارد ډالر ورکړي، او زیاته یې کړه چې واشنګټن سویلي کوریا ته د اټومي انرژۍ لرونکي اوبتل جوړولو منظوري ورکړې ده.

ولسمشر ډونالډ ټرمپ اعلان وکړ چې جنوبي کوریا له امریکا متحده ایالاتو سره د پراخو اقتصادي او دفاعي تړونونو په یوه بسته موافقه کړې ده.

هغه د پنجشنبې په ورځ په خپل ټروت سوشیال (Truth Social) پلیټ فارم کې وویل: "جنوبي کوریا منلې چې د تعرفو د کمېدو په بدل کې به متحده ایالاتو ته ۳۵۰ میلیارده ډالر ورکړي، هغه تعرفې چې د امریکا له لوري پرې لګول شوې وې."

سربېره پر دې، ټرمپ وویل چې جنوبي کوریا به د امریکا تېل او ګاز "په پراخه کچه" وپېري، او د جنوبي کوریا د شرکتونو او سوداګرو له لوري به په امریکا کې پانګونه له ۶۰۰ میلیارده ډالرو زیاته وي.

هغه زیاته کړه" :زموږ پوځي اتحاد تر هر وخت پیاوړی شوی، او پر همدې بنسټ مې هغوی ته اجازه ورکړې چې یو اټومي ځواک لرونکی اوبتل (سبمرین) جوړ کړي، د هغو زړو او کم‌ چټکو ډیزلي اوبتلونو پر ځای چې اوس یې لري."

د چهارشنبې په ورځ، د سویلي کوریا له ولسمشر لي جاي-ميونګ سره د خپلې ناستې پر مهال، ټرمپ وویل چې له جنوبي کوریا سره اوږدمهاله سوداګریز تړون "تر ډېره بشپړ شوی"، خو دا یې روښانه نه کړه چې دواړه مشران په وروستي تړون سلا شوي دي که نه.