د تهران د ری په ښار د بریدونو په نتیجه کې ۵ تنو افغانانو ژوند د لاسه ورکړی

پر ایران د امریکا او اسرائیل بریدونه دوام لري.

د اناتولیا خبري آژانس  خبریال د هغو معلوماتو له مخې چې له ایراني روغتیايي چارواکو یې ترلاسه کړي، د تهران ولایت اړوند پر رې ښار د شپې په بریدونو کې ۵ تنو ژوند  د لاسه ورکړی چې ټول  د افغانستان  وګړي دي.

عیني شاهدانو ویلي چې د بریدونو په پایله کې ۷ ودانۍ په بشپړه توګه له منځه تللې او په ټولیزه توګه ۲۰ ودانیو ته زیان اوښتی دی.

ویل شوي چې د توغندیزو بریدونو له امله په نړېدلو ودانیو کې د لټون او ژغورنې عملیات دوام لري او د مړو شمېر ښايي لوړ شي.

د نړېدلو ودانیو د اوسېدونکو خپلوان په اوښکو ډکو سترګو د لټون او ژغورنې عملیات څاري، او په سیمه کې نیول شوي پراخ امنیتي تدابیر د پام وړ دي.