د پاکستان په شمال لویدیځ کې د سړک غاړې بمي چاودنه کې درې پولیس افسران ووژل شول
چارواکو ویلي ، د جمعې په ورځ د افغانستان پولې ته نږدې د پاکستان په شمال لویدیځ کې د پاکستاني طالبانو د یوه پخواني مرکز د سړک په غاړه د پولیسو د یو مشر پر موټر چاودنه وشوه چې له امله يي د پولیسو مشر او دوه ټیټ رتبه افسرانو ژوند د لاسه ورکړ.
د سیمه ییزو پولیسو مشر، ادم خان، وویل، دا چاودنه د خیبر پښتونخوا ایالت په هنګو ښار کې هغه مهال وشوه چې افسران د پولیسو یوې هغې پوستې ته روان وو چې له یو ساعت څخه لږ وخت مخکې پرې برید شوی و.
د کورنیو چارو وزیر، محسن نقوي، دا بریدونه وغندل او پړه یې پر پاکستاني طالبانو واچوله.
دا وروستي بریدونه یوه ورځ مخکې له هغې کیږي چې ټاکل شوې پاکستان او افغانستان په استانبول کې د سولې د خبرو دویم پړاو ترسره کړي، چې لومړۍ غونډه یې د اکتوبر په ۱۹مه د قطر په پلازمېنه دوحه کې شوې وه. دا خبرې، چې د قطر او تورکیې په منځګړیتوب ترسره شوې، د مرګونو سرحدي نښتو وروسته وشوې چې د دواړو غاړو لسګونه کسان په کې ووژل شول او د یو لنډمهاله اوربند لامل شوې چې لا هم پر ځای دی.
پاکستاني طالبان، چې د تحریک طالبان پاکستان یا TTP په نوم پیژندل کیږي، یوه جلا ډله ده خو د افغانستان له طالبانو سره نږدې اړیکې لري، چې د ۲۰۲۱ کال په اګست کې په کابل کې واک ته ورسیدل وروسته له هغې چې د امریکا او ناټو ځواکونه ووتل.
