د پاکستان په خیبرپښتونخوا ایالت کې د عملیاتو پر مهال ۲۰ تنو پاکستاني سرتیرو ته مرګ ژوبله اوښتې.
په خیبر پښتونخوا کې د وسله والو پر وړاندې د امنیتي ځواکونو د لټون او عملیاتو په ترڅ کې لږ تر لږه اووه پاکستاني امنیتي سرتیري وژل شوي او ۱۳ نور ټپیان شوي دي. دا خبره د ډان ورځپاڼې کړې ده.
د ورځپاڼې د راپور له مخې، یو سرتېری د وسله والو سره د سختې نښتې وروسته ورک شوی دی. دغه جګړه په یوه غرني سیمه کې د ځایي پولیسو تر واک لاندې شوې، چیرې چې وسله والو د امنیتي ځواکونو پر کاروان برید کړی و.
ټپیان روغتون ته انتقال شوي دي، او د پولیسو یوه لویه ډله لا هم په سیمه کې پاتې ده ځکه چې عملیات دوام لري.
امنیتي ځواکونو ادعا کړې چې وسله والو ته یې درانه زیانونه اړولي دي، خو د دې ادعا په اړه نور جزئیات نه دي ورکړل شوي.
د پاکستان ولسمشر آصف علي زرداري او لومړي وزیر شهباز شریف د امنیتي ځواکونو د بریالي عملیاتو ستاینه کړې ده، او د سرتېرو زړورتیا او مسلکیتوب یې په دې عملیاتو کې چې ۱۹ وسله وال یې وژلي دي، ستایلي دي.
زرداري ویلي چې پاکستان د ترهګرۍ د له منځه وړلو لپاره کلک هوډ لري.
شهباز شریف هم د خیبر پښتونخوا په مومند، شمالي وزیرستان او بنو ولسوالیو کې د امنیتي ځواکونو د بریالیو عملیاتو ستاینه وکړه، او ټینګار یې وکړ چې د ترهګرۍ پر وړاندې مبارزه به تر هغه دوام وکړي چې په بشپړ ډول له هېواد څخه ختمه شي.
دغه پرمختګ وروسته له هغې رامنځته شو چې د پاکستان پوځ د پنجشنبې په ورځ وویل چې په تېرو دوو ورځو کې یې د هېواد په شمال لویدیځ کې په جلا جلا عملیاتو کې ۱۹ شکمن وسله وال وژلي دي.
همداشان پدې عملیاتو کې ۷ تنو پاکستاني سرتیرو ژوند د لاسه ورکړی او ۱۳ تنه نور ټپیان شوي دي.
په وروستیو کلونو کې په امنیتي ځواکونو د بریدونو کچه لوړه شوې ده، چې پاکستان یې پړه د افغانستان میشتو وسله والو پر ډله پورې اړوند د تحریک طالبان پاکستان پر غړو اچوي.
کابل دغه تورونه رد کړي دي.
