فرانسې یو ځل بیا د نتنیاهو الوتکې ته د خپل هوايي حریم نه د تیریدو اجازه ورکړه
فرانسې د دریم ځل لپاره د اسرائیلو د لومړي وزیر نتنیاهو چې د جزا د نړۍوالې محکمې لخوا د نیولو امر شوی دی الوتکې ته د خپل هوايي حریم نه د تیریدو اجازه ورکړه.
د FlightRadar24 وېبپاڼې د راپور له مخې، د اسرائیلي حکومت هغه الوتکه چې نتنیاهو یې له هنګري څخه امریکا ته لېږدوله، د هغه په اړه د جزا د نړۍوالې محکمې د نیولو امر د شتون سره سره د فرانسې هوایي حریم څخه استفاده وکړه.
د نړیوالې جزایي محکمې غړې هیواد په توګه، فرانسه قانوناً مکلفه ده چې د هغو جرمونو په اړه د څېړنو او محاکمو په برخه کې بشپړه همکاري وکړي چې د دې محکمې صلاحیت پورې اړه لري.
د اسرائیلي رسنۍ Haaretz د راپور له مخې، د نتنیاهو الوتکې د ۴۰۰ کیلومتره اوږد مسیر بدلون کړی ترڅو د هغو هوایي حریمونو څخه ډډه وکړي چې د ایرلنډ، آیسلنډ او هالنډ په ګډون یې د نیولو امر عملي کولای شو.
دا درېیم ځل دی چې فرانسه د نتنیاهو الوتکې ته اجازه ورکوي چې د خپل هوایي حریم څخه تېره شي، وروسته له دې چې د فبرورۍ په ۲مه او ۹مه نېټه ورته ورته اجازه ورکړل شوې وه، کله چې هغه امریکا ته تللی او بېرته راستون شوی و.
د نوامبر په میاشت کې، د هاګ په نړیواله جزایي محکمه کې د نتنیاهو پر وړاندې د جګړې د جرمونو او د بشریت پر وړاندې د جرمونو په تړاو د نیولو امر صادر شوی و، چې په غزه کې ترسره شوي دي.