په مصر کې په یوې ټرافیکي پیښه ۳ تنو قطري دیپلوماتانو ژوند د لاسه ورکړ.
په شرم الشیخ کې د غزې په اړه له نړیوالې غونډې مخکې په دې پیښه کې دوه نور دیپلوماتان هم ټپیان شوي دي.
مصري رسنیو خبر ورکړی چې د مصر په شرم الشیخ ښار کې په یوې ټرافیکي پیښه کې درې قطري دیپلوماتانو ژوند د لاسه ورکړی دی.
د ترلاسه شوو معلوماتو له مخې دا پيښه د یکشنبې په سهار د جنوبي سینا په عمومي سړک د قطري پلاوي موټر د ټکر له امله رامنځته شوه. پدې پيښه کې دوه تنه قطري ډیپلوماټان ټپیان شوي هم دي.
چارواکو ته د شرم الشیخ او طابا ترمنځ پر سړک د دې پېښې په اړه خبر ورکړل شو.
د وژل شویو کسانو جسدونه د شرم الشیخ نړیوال روغتون د مړو ساتنځای ته لېږدول شوي، په داسې حال کې چې ټپیان په بېړه روغتون ته رسول شوي دي.
شرم الشیخ به د دوشنبې په ورځ د غزې په اړه د یوې نړیوالې غونډې کوربه وي، چې مشري به یې د مصر ولسمشر عبدالفتاح السیسي او د هغه امریکايي سیال، ډونالډ ټرمپ، په ګډه کوي او له ۲۰ څخه زیات هېوادونه به پکې ګډون ولري.
د مصر د ولسمشرۍ د یوه بیان له مخې، د دې غونډې موخه «د غزې په تړانګه کې د جګړې پای ته رسول، په منځني ختیځ کې د سولې او ثبات راوستلو لپاره د هڅو پیاوړي کول، او د سیمه ییز امنیت او ثبات د نوي پړاو پیلول دي.»
