انګلستان : ایران د هند په سمندر کې د انګلستان او امریکا په ګډه پوځي هډې د ۲ توغندیو برید کړی
د انګلستان د کور جوړونې وزیر، چې د یکشنبې په سهارنیو خپرونو کې یې د حکومت استازیتوب کاوه، وویل: "لکه څنګه چې موږ پوهېږو، یو توغندی هدف ته له رسېدو مخکې راولوېد او ناکام شو، او بل یې شنډ او مخنیوی یې وشو."
د برتانیا د کور جوړونې وزیر وزیر سټیو ریډ د یکشنبې په ورځ وویل، د ایران له خوا توغول شوی یو توغندی چې د هند په سمندر کې یې د برتانیا او امریکا ګډه پوځي اډه په نښه کړې وه، "هدف ته له رسېدو مخکې راولوېد" په داسې حال کې چې بل توغندی "شنډ شو".
ریډ بي بي سي ته وویل: "زموږ ارزونه دا ده چې ایرانیانو په یقیني توګه ډیاګو ګارشیا په نښه کړې وه،" یوه پوځي اډه چې له ایران څخه شاوخوا ۴۰۰۰ کیلومتره (۲۵۰۰ میله) لرې ده.
د کور جوړونې وزیر، چې د یکشنبې په سهارنیو خپرونو کې یې د حکومت استازیتوب کاوه، وویل: "لکه څنګه چې موږ پوهېږو، یو توغندی هدف ته له رسېدو مخکې راولوېد او ناکام شو، او بل یې شنډ او مخنیوی یې وشو."
هغه زیاته کړه: "خو زه فکر نه کوم چې دا دې د حیرانتیا خبره وي، ایران په سیمه کې په بې پروایۍ سره توغندي توغولي دي."
ډیاګو ګارشیا، چې د چاګوس ټاپوګانو یوه برخه ده، له هغو دوو اډو څخه یوه ده چې برتانیا امریکا ته د هغو عملیاتو لپاره د کارولو اجازه ورکړې چې د برتانیا حکومت د ایران پر وړاندې په جګړه کې پرې د "دفاعي عملیاتو" په توګه ټینګار کوي.
وال سټریټ ژورنال د جمعې په ورځ لومړی راپور ورکړی و چې ایران پر دې اډې دوه بالستیک توغندي توغولي وو. دا اډه د واشنګټن د اسیا د عملیاتو لپاره یو مهم مرکز دی، چې په افغانستان او عراق کې د امریکا د بمباریو کمپاینونه هم پکې شامل دي.
که څه هم دواړه توغندي خپل هدف ته ونه رسېدل، خو د دې توغندیو توغول دا په ډاګه کوي چې تهران داسې توغندي لري چې تر پخوا یې واټن ډېر اوږد دی.
امریکايي ځواکونو په ډیاګو ګارشیا کې بم غورځوونکې الوتکې او نور تجهیزات ځای پر ځای کړي دي.
د جمعې په ورځ، د برتانیا حکومت وویل چې واشنګټن ته به اجازه ورکړي چې په ډیاګو ګارشیا او د انګلستان په سویل لوېدیځ کې په فیرفورډ کې خپلې اډې وکاروي ترڅو د ایران هغه "توغندیز مرکزونه او وړتیاوې په نښه کړي چې د هرمز په تنګي کې پر کښتیو د برید لپاره کارول کیږي."
یوې برتانوي رسمي سرچینې تایید کړه چې "پر ډیاګو ګارشیا د ایران ناکام برید" د جمعې د ورځې له اعلان څخه مخکې شوی و.
ریډ ټینګار وکړ چې "برتانیا به دې شخړې ته را کش نه شي،" او زیاته یې کړه چې "داسې کومه مشخصه ارزونه نشته چې ایرانیان دې برتانیا په نښه کړي یا ان که وغواړي، دا کار وکړای شي."
هغه د جګړې په اړه د برتانیا او امریکا ترمنځ د متضادو دریځونو یادونه هم وکړه، چې په دې وروستیو اونیو کې د برتانیا مشر کیر سټارمر د امریکا د ولسمشر ډونالډ ټرمپ غوسه راپارولې ده.
ریډ وویل: "دا په تاریخ کې لومړی ځل نه دی چې برتانیا او یو برتانوی لومړی وزیر د امریکا له ولسمشر څخه مختلف نظر لري. دا په ویتنام کې هم پېښ شوي وو."