د "لوور نوی رنسانس" په نوم اعلان شوې پروژې په لړ کې به، د لیوناردو دا وینچي د شاهکار "موناليزا" لپاره به ځانګړې خونه جوړه شي. سربیره پر دې، د اروپايي اتحادیې (EU) څخه بهر راغلو لیدونکو لپاره به د ننوتلو فیسونه لوړ شي.
د "موناليزا" لپاره ځانګړې سیمه
د پروژې تر ټولو د پام وړ ځانګړتیا دا ده چې د لیوناردو دا وینچي د نړۍ مشهور اثر "موناليزا" لپاره به ځانګړې خونه جوړه شي. دا تنظیم چې د موزیم د زیاتې ګڼه ګوڼې دکمولو لپاره ترسره کیږي، لیدونکو ته به اجازه ورکړي چې تابلو ته په آسانه او منظم ډول لاسرسی ولري.
نوې دروازه او عصري کول
د نوي کولو په لړ کې به، د سین سیند په غاړه یوه نوې دروازه جوړه شي چې پلان دی په ۲۰۳۱ کې پرانیستل شي. دا دروازه به د موزیم زیاتېدونکو لیدونکو شمیر ته غوره خدمت وړاندې کړي. سربیره پر دې، د موزیم اوسنۍ آسانتیاوې به هم عصري شي او نور به هم آرامه شي.
تمویل او بودیجه
د دې پروژې اټکل شوی لګښت نږدې ۸۰۰ میلیونه یورو دی. دا لګښت به د ټکټ خرڅلاو، سپانسرشیپونو او د لوور د ابوظبي څانګې څخه ترلاسه شوو عوایدو له لارې پوره شي. چارواکي وايي چې د لګښتونو نږدې نیمايي به د نوې دروازې د جوړولو لپاره ځانګړې شي.
د ټکټ په بیو کې زیاتوالی
د عصري کولو پروسې د یوې برخې په توګه، د اروپايي اتحادیې څخه بهر راغلو سیلانیانو لپاره به د ننوتلو فیسونه لوړ شي. دا تنظیم د موزیم د ساتنې او عملیاتي لګښتونو پوره کولو لپاره دی.
جوړښتي ستونزې او د حل لټون
لوور موزیم د خپل زوړ جوړښت له امله د اوبو څڅېدو او د تودوخې بدلونونو په څیر جوړښتي ستونزو سره مخ دی. د دغې پروژې په لړ کې به، دا ستونزې حل شي او د موزیم د با ارزښته هنري اثارو لپاره به خوندي چاپیریال برابر شي. سربیره پر دې، د زړې هرم دروازې پر ځای به یوه نوې عصري دروازه جوړه شي او او دتشنابونو اسانتیاوې به ښه شي.
د لیدونکو شمیره
لوور موزیم په ۲۰۲۳ کال کې ۸.۷ میلیونه لیدونکي لرل. اوسنۍ زیربنا د کال ۴ میلیونه لیدونکو ظرفیت لپاره ډیزاین شوې وه. له دې امله، د نوي کولو پروژه د زیاتېدونکو لیدونکو شمیر ته مناسب چاپیریال رامنځته کول په موخه کې لري.
په لوور موزیم کې دا لویه پروژه د موزیم د راتلونکي لپاره د یو مهم ټکي په توګه لیدل کیږي. کله چې پروژه بشپړه شي، تمه کیږي چې موزیم به د لیدونکو او هنري اثارو دواړو لپاره غوره چاپیریال ولري.
