ډېر ژر به د هند او افغانستان ترمنځ هوايي کارګو خدمات پيل شي
د هند د بهرنیو چارو وزارت یوه چارواکي د جمعې په ورځ نوي ډیلي ته د افغانستان د سوداګرۍ وزیر الحاج نورالدین عزیزي د سفر پر مهال وویل، چې ډېر ژر به د هند او افغانستان ترمنځ هوايي کارګو خدمات پيل شي.
دغه چارواکي، انند پرکاش، وویل: "زه خوښ یم چې اعلان کوم چې د کابل-ډیلي او کابل-امریتسر پر لارو د هوايي کارګو دهلیزونه فعال شوي او ډېر ژر به په دغو سکتورونو کې د کارګو الوتنې پيل شي."
