په امریکا متحده ایالاتو کې یوې فدرالي محکمې د ولسمشر ډونالډ ټرمپ د هغه اقدام لاره هواره کړه چې له مخې یې د نیپال، هانډوراس او نیکاراګوا څخه د ۶۰ زره څخه د زیاتو کډوالو لنډمهاله خوندیتوب حق لغوه کېږي.

د نیویارک ټایمز  د راپور له مخې، محکمې استدلال کړی چې د ټرمپ د ادارې د دې پریکړې ملاتړ لپاره مهم شواهد شتون لري. له همدې امله، محکمې هغه خنډونه لرې کړل چې د دغو کډوالو په قانوني پاتې کېدو کې یې مرسته کوله.

اټکل کېږي چې دا پریکړه به شاوخوا ۵۰,۰۰۰ هانډوراسیان، ۷,۰۰۰ نیپالیان او ۳,۰۰۰ نیکاراګوایان اغېزمن کړي.

لنډمهاله خوندیتوب حق څه شی دی؟

ولسمشر ډونالډ ټرمپ واک ته له رسېدو راهیسې د هایټي، وینزویلا او افغانستان په څېر هېوادونو لپاره د لنډمهاله خوندیتوب حق د پای ته رسولو په لور ګامونه پورته کړي وو، چې ځینې یې له قضایي خنډونو سره مخ شوي وو.

دا حق کډوالو ته اجازه ورکوي چې په امریکا کې په قانوني ډول کار وکړي او د هغوی د شړلو مخه نیسي.