د اسرائیلو جنګي الوتکو د سوریې په شمال کې د ادلیب ولایت په ختیځ کې د ابو ظهور پوځي هوايي ډګر باندې څلور هوايي بریدونه وکړل.
سیمه ییزو سرچینو ویلي چې بریدونه د ځايي وخت شاوخوا درې بجې ترسره شوي او اسرائیلي جنګي الوتکو څلور ځله د ابو ظهور پوځي هوايي ډګر په نښه کړ.
تر اوسه پورې د بریدونو له امله د مرګ ژوبلې یا ټپي کیدو په اړه کوم معلومات نه دي خپاره شوي.
د سوریې چارواکو تر اوسه د برید په اړه هیڅ بیان نه دی خپور کړی.
د اسد د رژیم له نسکورېدو مخکې، اسرائیل په سوریه کې د ایراني ځواکونو او حزب الله پر مرکزونو بریدونه کول.
د رژیم له نسکورېدو وروسته، اسرائیلو په ټوله سوریه کې د وسلو او توغندیو ډیپوګانو او ستراتیژیکو پوځي ځایونو په نښه کولو سره خپل بریدونه پراخ کړل.
