د تورکیې د بهرنیو چارو وزارت پر سعودي عربستان باندې د حوثیانو د وروستیو بریدونو په اړه یوه لیکلې رسمي اعلامیه خپره کړه.
په دغه اعلامیه کې راغلي: «موږ د سعودي عربستان په نښه کوونکي، د ملکي وګړو د ځان او مال امنیت له پامه غورځوونکي او په سیمه کې د تاوتریخوالي او کړکېچ زیاتونکي د حوثي ډلې بریدونه تر ټولو په کلکو ټکو غندو. موږ د سعودي عربستان د ملي حاکمیت او ځمکنۍ بشپړتیا څخه خپل پرېکنده ملاتړ یو ځل بیا تکراروو.
وړاندیز شوي
په اعلامیه کې دا هم روښانه شوې چې دا بریدونه په ورته وخت کې په یمن کې د روانې شخړې د یوه تلپاتې سیاسي حل له لارې د پای ته رسولو لپاره ډیپلوماټیکو هڅو ته هم زیان رسوي؛ او پر حوثي ډلې غږ وشو چې سمدستي خپلو بریدګرو او تېري کوونکو کړنو ته د پای ټکی کېږدي.
