منځنی ختیځ
2 د لوستلو دقیقې
د سوریې پلازمېنه دمشق د موټر بم مرګونې چاودنې ولړزوله.
د دمشق په کلیواله سیمه «جرمانا» کې د موټر بم په یوه چاودنه کې د یوې نجلۍ په ګډون دوه تنه وژل شوي او یو بل کس ټپي شوی دی.
د سوریې پلازمېنه دمشق د موټر بم مرګونې چاودنې ولړزوله.
د سوریې پلازمېنه دمشق د موټر بم مرګونې چاودنې ولړزوله. / AFP (Wire)

 چارواکو تر اوسه د دغه برید عاملین او انګېزه نه ده په ګوته کړې.

د سوریې دولتي خبري اژانس (سانا) راپور ورکړ، چې د کورني امنیت ځواکونو په وینا دا چاودنه هغه مهال رامنځته شوه کله چې په موټر کې دننه ځای پر ځای شوي چاودېدونکي توکي وچاودېدل.

اژانس زیاته کړې چې امنیتي ځواکونو سیمه کلابنده کړې او د چاودنې په اړه یې پلټنې پیل کړې دي.

تر دې وړاندې د سوریې «الاخباریه» تلویزیون راپور ورکړی و چې په یاد ښارګوټي کې د بیټریو جوړولو یوې فابریکې ته نږدې په یوه موټر کې ځای پر ځای شوي چاودېدونکي توکي چاودېدلي دي.

د یادې رسنۍ په وینا، د ملکي دفاع ټیمونه د پېښې ځای ته رسېدلي دي.

چارواکو تر اوسه هغه کسان نه دي پیژندلي چې دغه چاودېدونکي توکي یې ځای پر ځای کړي وو او نه یې هم د برید تر شا انګېزه معلومه کړې ده.

د اګست په ۷مه، د سوریې د کورنیو چارو وزارت راپور ورکړی و چې په جرمانا کې د مسافرو په یوه بس کې دننه د چاودېدونکو توکو د چاودنې له امله ۱۴ ملکي وګړي ټپیان شوي وو.

وزارت ویلي وو چې د عاملینو د موندلو او عدالت ته د سپارلو لپاره یې پلټنې پیل کړې دي، او په ورته وخت کې یې د تفرقې اچولو او د مدني سولې د زیانمنولو د هڅو پر وړاندې خبرداری ورکړی و.

دغه ښارګوټی د جولای په ۳مه هم په خپله یوه دروازه کې د یوه برید شاهد و، چې په کې وروسته له هغې چې یوه وسله وال کس غوښتل پر امنیتي کسانو لاسي بم وغورځوي او بم پرې وچاودېد، درې امنیتي کارکوونکي ټپیان شول او بریدګر ووژل شو.

 

وپلټۍ
د امریکا په پلازمینه  واشنګټن ډي سي کې سپینې ماڼۍ ته نږدې وسله وال برید شوی.
روسیې له افغانستان کې یو زیات شمیر سوداګریز تړونونه لاسلیک کړل
د مهمو خبرونو غورچاڼ
یو لوړپوړی روسي پلاوی له طالبانو سره د سوداګرۍ او پانګونې په اړه د خبرو لپاره افغانستان ته رسیدلی دی
اردوغان له پزشکیان سره په خبرو کې د ایران پر ضد د امریکا د جګړې د سمدستي پای ته رسېدو غوښتنه وکړه
چین او امریکا روسیې سره په ممکنه درې اړخیزو خبرو اترو کې د اټومي وسلو د له منځه وړلو مسئله مطرح کوي
زیلینسکي: د اوکراین د سولې په خبرو کې پرمختګ د روسیې سره د امریکا په چلند پورې اړه لري.
اسرائیلو په هالنډ کې خپل سفیر د بن ګویر او سموټریچ په اړه د څرګندونو له امله بیرته هیواد ته راوبللو.
د نیویارک ښار په بروکلین سیمه کې د یوې ودانۍ  نړېدو له امله ۲ تنه مړه او ۱۷ تنه ټپيان شوي
اسرائیلو د غزې پر ناصر روغتون په برید کې د یوه جراح  ډاکټر په ګډون لږ تر لږه ۶ کسان وژلي دي
په پاکستان کې پر پولیسو په برید کې ۱۰ تنه پولیس مړه او ۱۲ تنه نور ټپیان شوي دي
د مهمو خبرونو غورچاڼ
اردوغان پر پرمختللو هېوادونو غږ وکړ چې اقلیمي اقدامات ګړندي کړي،
جرمني د امنیتي اندېښنو له امله د چینایي بې پیلوټه الوتکو پوځي کارول پای ته رسوي
ګوټرېش له هېوادونو وغوښتل چې په کاپ-۳۱ غونډه کې د 'اقلیمي عدالت تړون' خپل کړي