د کانګو ډیموکراتیک جمهوریت کې د یوې کښتۍ چې ۱۲۰ تنه پکې سپاره ول د ډوبیدو له امله ۷۰ تنه لادرکه دي
د سیمه ییزو رسنیو د راپور له مخې، په کښتۍ کې شاوخوا ۱۲۰ کسان سپاره وو، چې تر اوسه یوازې شاوخوا ۵۰ تنه ژغورل شوي دي.
سیمه ییزو رسنیو د چهارشنبې په ورځ راپور ورکړ چې د کانګو ډیموکراتیک جمهوریت په مرکزي برخه، کاسای ولایت کې په یو سیند کې د یوې کښتۍ د چپه کیدو له امله شاوخوا ۷۰ تنه لادرکه شوي دي.
د ملګرو ملتونو د راډیو د راپور له مخې، دا کښتۍ د "بِنا دیبل" له بندر څخه د ۸۰۰ کیلومترو په واټن د پلازمینې کینشاسا پر لور روانه وه، چې د دوشنبې په ورځ د "سنکورو" په سیند کې بړبړیکو له امله ډوبه شوه.
په راپور کې د سیمه ییز چارواکي "فرانسوا آهوکا" له خولې ویل شوي: "په کښتۍ کې شاوخوا ۱۲۰ کسان سپاره وو. تر اوسه شاوخوا ۵۰ تنه ژغورل شوي او د لادرکه شویو کسانو د موندلو لپاره د لټون هڅې روانې دي."
آهوکا د ژغورونکو ډلو پر وړاندې شته ستونزې په ګوته کړې او له کورنیو یې وغوښتل چې د ژوندي پاتې شویو او موندل شویو جسدونو د پیژندنې لپاره له سیمه ییزو چارواکو سره په اړیکه کې پاتې شي.
په د کانګو ډیموکراتیک جمهوریت کې د سړکونو د نشتوالي یا خرابوالي له امله، د اوبو له لارې ترانسپورت یو عام کار دی.
