اردوغان په یوه ټیلیفوني اړیکه کې کارني ته د انقرې د ناټو سرمشریزې او COP31 غونډې ته بلنه ورکړه.
د تورکیې د ډیپلوماټیکو سرچینو په وینا، د تورکیې ولسمشر رجب طیب اردوغان او د کاناډا لومړي وزیر مارک کارني د چهارشنبې په ورځ په یوه ټیلیفوني اړیکه کې پر دوه اړخیزو اړیکو او سیمه ییزو او نړیوالو پرمختګونو خبرې وکړې.
اردوغان وویل چې تورکیه له کاناډا سره د اړیکو پیاوړي کولو ته ځانګړی اهمیت ورکوي او د انرژۍ، دفاعي صنعت او هوایي ټرانسپورټ په برخو کې یې پر احتمالي همکاریو ټینګار وکړ.
هغه زیاته کړه چې ترکیه د سیمه ییزې سولې او ثبات د ټینګښت لپاره خپلو هڅو ته دوام ورکوي او په یو لړ مسایلو کې له کاناډا سره ګډ نظر لري.
اردوغان همداراز کارني ته بلنه ورکړه چې د ناټو په هغه سرمشریزه کې چې په انقره کې جوړیږي او د COP31 (د اقلیم بدلون نړیواله غونډه) کې، چې تورکیه یې کوربه توب کوي، ګډون وکړي. هغه هیله څرګنده کړه چې د ۲۰۲۶ کال تر پایه د یوه رسمي سفر لپاره د کاناډا د لومړي وزیر کوربه توب وکړي.
