اقتصاد
4 د لوستلو دقیقې
تورکیه به په ۲۰۲۶ کال کې د پاکستان په پنځو ساحو کې د تېلو او ګازو استخراج پیل کړي
د دواړو هېوادونو ترمنځ لاسلیک شوي تړونونه د تورکیې TPAO شرکت ته د پاکستان په پنځو ساحو کې د استخراج حق ورکوي، چې دا کار له راتلونکي کال څخه د سیسمیک سروې ګانو، برمه کارۍ، او د انرژۍ او کانونو په برخه کې د پراخې همکارۍ لپاره لاره هواروي.
تورکیه به په ۲۰۲۶ کال کې د پاکستان په پنځو ساحو کې د تېلو او ګازو استخراج پیل کړي
تورکیه به په ۲۰۲۶ کال کې د پاکستان په پنځو ساحو کې د تېلو او ګازو استخراج پیل کړي / AA

تورکیه به په ۲۰۲۶ کال کې د پاکستان په پنځو ساحو کې د تېلو او ګازو استخراج پیل کړي

د دواړو هېوادونو ترمنځ لاسلیک شوي تړونونه د تورکیې TPAO شرکت ته د پاکستان په پنځو ساحو کې د استخراج حق ورکوي، چې دا کار له راتلونکي کال څخه د سیسمیک سروې ګانو، برمه کارۍ، او د انرژۍ او کانونو په برخه کې د پراخې همکارۍ لپاره لاره هواروي.
د تورکیې د انرژۍ او طبیعي سرچینو وزیر الپ ارسلان بیرقدار په اسلام اباد کې د لوړې کچې غونډو پر مهال اعلان وکړ چې تورکیه به په ۲۰۲۶ کال کې د پاکستان په دریو سمندري او دوو ځمکنیو ساحو کې د تېلو او طبیعي ګازو استخراج پیل کړي.

بیرقدار د سې شنبې په ورځ د لومړي وزیر په دفتر کې د پاکستان له لومړي وزیر شهباز شریف سره وکتل، او د پټرولیم له وزیر علي پرویز ملک او د برېښنا لپاره د انرژۍ له وزیر سردار اویس احمد خان لغاري سره یې جلا خبرې وکړې.

له غونډو وروسته، د تورکیې ملي تېلو شرکت (TPAO) د هېواد په پنځو بلاکونو کې د هایدروکاربن استخراج او تولید تړونونه له شپږو پاکستاني شرکتونو — مري انرژي، فاطمه، OGDCL، PPL، پرایم او GHPL — سره لاسلیک کړل.

د لاسلیک له مراسمو وروسته په خبرو کې،بیرقداروویل چې دا تړونونه د انقرې او اسلام اباد ترمنځ د انرژۍ او کانونو د همکارۍ په پراخولو کې یو "مهم ګام" دی.

هغه وویل: "تورکیې په وروستیو کلونو کې د تېلو او طبیعي ګازو په استخراج کې پیاوړې وړتیاوې ترلاسه کړي دي. له دې نویو شراکتونو سره، د تورکیې د تیلو ملي شرکت  اوس په پاکستان کې په دریو سمندري او دوو ځمکنیو ساحو کې جوازونه لري."

بیرقدار تایید کړه چې تورکیه به لږ تر لږه په یوه سمندري بلاک کې د چلونکي (آپریټر) په توګه کار وکړي او په ۲۰۲۶ کال کې به د پاکستان اوبو ته د سیسمیک څېړنې کښتۍ واستول شي.

هغه وویل: "موږ دلته د امکاناتو په اړه ډېر هیله من یو. زموږ موخه دا ده چې راتلونکی کال عملیات پیل کړو، چې په ځینو ساحو کې به سیسمیک سروې ګانې او په ځینو نورو کې به مستقیمه برمه کاري شامله وي. دا به د ترکیې او پاکستان د همکارۍ لپاره مشخصې پایلې ولري."

بل ګام: د کانونو پروژې

وزیر یادونه وکړه چې انقره هوډ لري دا شراکت له هایدروکاربن څخه هاخوا پراخ کړي.

بیرقدار پاکستان "د پام وړ معدني شتمنۍ لرونکی هېواد" وباله او ویې ویل چې د ترکیې دولتي کانونو شرکتونه — MTAIC او Eti Maden — به ډېر ژر په دغه هېواد کې فعال عملیات پیل کړي.

هغه وویل: "موږ نن مهمې پرېکړې وکړې. په افریقا او مرکزي اسیا کې زموږ د کار په څېر، موږ به په پاکستان کې په ګډو کانونو پروژو ژر تر ژره کار پیل کړو."

د انرژۍ شراکت د ۵ ملیارده ډالرو سوداګریز هدف سره تړلی دی

بیرقدار ټینګار وکړ چې د انرژۍ او کانونو په برخه کې د همکاریو ژورول د دوه اړخیزې سوداګرۍ حجم ۵ ملیارده ډالرو ته د لوړولو هدف ته د رسېدو لپاره اړین دي، کوم چې د ولسمشر رجب طیب اردوغان لخوا په فبرورۍ کې پاکستان ته د سفر پر مهال ټاکل شوی و.

هغه زیاته کړه چې ترکیه او پاکستان، دواړه د نفتي توکو او مایع طبیعي ګاز (LNG) لوی واردونکي دي، او همدا راز د لګښت له پلوه د ګټې رامنځته کولو لپاره د ګډې پیرودنې پر امکاناتو هم غور کوي.

تړونونه پر مخکنیو بنسټونو ولاړ دي

په اسلام اباد کې وروستي تړونونه د هغو هوکړو پر بنسټ دي چې د فبرورۍ په میاشت کې د ولسمشر اردوغان د سفر پر مهال لاسلیک شوي وو، چې په کې د هایدروکاربن همکارۍ، د انرژۍ د لېږد او کانونو په اړه هوکړې شاملې وې.

د اپریل په میاشت کې د بیرقدار ورپسې سفر د تورکیې د تیلو ملي شرکت  او د پاکستان ملي شرکتونو ته لاره هواره کړه چې د سمندري او ځمکنیو داوطلبیو لپاره ګډ وړاندیزونه وسپاري — هغه وړاندیزونه چې اوس په رسمي سپړنیزو جوازونو بدل شوي دي.

بیرقدار وویل: "پاکستان هغه هېواد دی چې موږ ورسره ژورې اړیکې لرو. زموږ بې سارې مېلمه پالنه وشوه، او موږ پلان لرو چې د دې پروژو د پرمختګ سره سم به په مکرر ډول بېرته راشو."

 

وپلټۍ
شیخه حسینه واجد وايي چې د اعدام د سزا له ګواښ سره سره به په ډسمبر کې بنګله دېش ته ستنه شي.
د غزې روغتیايي چارواکي وايي، اسرائیلو په غزه کې په تازه بریدونو کې درې فلسطینیان وژلي دي
پاکستان : د سیمه‌ییزې همکارۍ د پرمختګ لپاره افغانستان باید د ګاونډیان اندیښنې حل کړي
روسیه وايي چې ۱۳۰۰ اوکرایني ډرونونه یې غورځولي دي، چې سلګونو یې د مسکو پر لور روانې وې
امریکا منځني ختیځ کې دریمه الوتکې وړونکې بیړنۍ واستوله
په غزه کې  د کنډوالو له منځه د راویستل شویو ۷۰ تنو فلسطینیانو جنازې خاورو ته وسپارل شوې
د مهمو خبرونو غورچاڼ
په بدخشان کې د سروزرو د کان دوه تنه کانکیدونکي مړه او ګڼشمیر نور ټپیان شوي
د سوریې پلازمېنه دمشق د موټر بم مرګونې چاودنې ولړزوله.
د مهمو خبرونو غورچاڼ
حماس په غزه کې د سیلابونو له امله د نړۍوال بیړني اقدام غوښتنه وکړه.
زیلینسکي خبرداری ورکړی چې د امریکا او روسیې امنیتي خبرې کولی شي ناټو کمزورې او اروپا وګواښي .
ټرمپ، شي جینپینګ او پوتین به په چین کې خپله لومړنۍ درې اړخیزه غونډه وکړي.
په استانبول کې د مشرانو تر لیدنې وروسته د تورکیې او قطر مهم دفاعي تړون لاسلیک کړ .
د مهمو خبرونو غورچاڼ