د بریتانیا لومړی وزیر سټارمر د رسمي سفر په ترڅ کې تورکیې ته راغی
د تورکیې ولسمشر رجب طیب اردوغان د برتانیا لومړي وزیر کییر سټارمر ته په پلازمینه انقره کې رسمي مراسمو په ترڅ کې هر کلی ووایه.
د تشریفاتو سپرو ډلو د ولسمشرۍ ماڼۍ مخې ته پر سړک د برتانیا د لومړي وزیر سټارمر رسمي موټر ته هرکلی ووایه او تر پروتوکول دروازې پورې یې بدرګه کړ.
ولسمشر اردوغان د ماڼۍ په اصلي دروازه کې سټارمر ته هرکلی ووایه. وروسته له هغه چې اردوغان او سټارمر په مراسمو کې خپل ځایونه ونیول، د بانډو د ډلې لخوا د دواړو هېوادونو ملي سرودونه وغږول شول.
د ویلو ده چې د هر کلي په مراسمو کې میلمه لومړي وزیر په خاطر د توپ ۲۱ ډزې وشوې.
د برتانیا لومړي وزیر سټارمر د ګارد تشریفاتي قطعې ته د "سلام عسکره" په ویلو سره سلام ورکړ.
ولسمشر اردوغان او سټارمر یو بل ته خپل پلاوي ور وپېژندل. اردوغان او سټارمر پر زینو د تورکیې او برتانیې د بیرغونو مخې ته لاسونه سره ورکړل او رسنیو ته يي عکس ورکړ.
اردوغان او سټارمر به دوه اړخیزه لیدنه وکړي، او د پلاوو ترمنځ له کاري میلمستیا وروسته به د تړونونو د لاسلیک په مراسمو کې ګډون وکړي او یو ګډ مطبوعاتي کنفرانس به جوړ کړي.
په مراسمو کې د بهرنیو چارو وزیر هاکان فیدان، د ملي دفاع وزیر یاشار ګولر، د ولسمشرۍ عمومي منشي حقی سوسماز، په لندن کې د تورکیې سفیر عثمان کورای ایرتاش، د ولسمشرۍ د اړیکو رئیس برهان الدین دوران او د ولسمشر د بهرنۍ پالیسۍ او امنیت لوی سلاکار عاکف چغتای کلیچ هم حضور درلود.
