دا چټک او لرې واټن ویشتونکی توغندی د انقرې د دفاعي وړتیاوو په پراختیا کې یو مهم ګام دی، ځکه دا هېواد په خپل ترټولو لوی هوايي او فضايي نندارتون کې د نوي نسل سیسټمونه نندارې ته وړاندې کوي.

( ییلدرم خان ) توغندی  د ۲۵ ماک (Mach 25) پورې سرعت لري او راپور ورکړل شوی چې د ۶،۰۰۰ کیلومتره واټن ویشتلو وړتیا لري.

تورکیې د سه شنبې په ورځ په استانبول کې د ساحا ۲۰۲۶  په دفاعي نندارتون کې د لومړي ځل لپاره په عامه توګه خپل  بین البراعظمي بالستیک توغندی

( ییلدرم خان ) نندارې ته وړاندې کړ، چې د اوږد واټن بریدونو په برخه کې د دې هېواد یو لوی پرمختګ ښیي.

دا توغندی د تورکیې د ملي دفاع وزارت د څېړنې او پراختیا مرکز لخوا جوړ شوی، چې سرعت یې تر ۲۵ ماک پورې رسېږي او د ۶،۰۰۰ کیلومتره واټن ویشتلو وړتیا لري.

د( ییلدرم خان ) سیسټم د مایع نایټروجن ټیټروکسایډ (Liquid Nitrogen Tetroxide) څخه د تېلو په توګه کار اخلي او په څلورو راکټي انجنونو سمبال دی، چې دا د تورکیې لخوا تر اوسه پورې جوړ شوی یو له ترټولو پرمختللو توغندیو څخه دی.

د دې توغندي پرانیسته د ساحا ۲۰۲۶  په نړیوال دفاعي او فضايي نندارتون کې وشوه، چېرته چې مخکښې تورکۍ دفاعي کمپنۍ او دولتي بنسټونه په بېلابېلو برخو کې نوې ټیکنالوژۍ نندارې ته وړاندې کوي.

د پرمختللو دفاعي ټیکنالوژیو لپاره هڅې
د ( ییلدرم خان ) نندارې ته وړاندې کول داسې مهال کېږي چې تورکیه د خپل دفاعي صنعت پراختیا ته دوام ورکوي او د توغندیو په سیسټمونو، بې پیلوټه الوتکو، هوايي دفاع، هوايي چلند او فضايي ټیکنالوژۍ کې په پراخه کچه پانګونه کوي.

د ساحا ۲۰۲۶ دفاعي او فضايي صنعتونو نندارتون چې ، چې د  ساحا استانبول لخوا تنظیم شوی، په سیمه کې د دفاعي صنعت په یو له سترو پېښو بدل شوی چې د نړۍ دفاعي شرکتونه، نظامي پلاوي او د وسلو د پېرلو چارواکي پکې راټولېږي.

دا نندارتون په حساسو دفاعي برخو کې د صادراتو د زیاتوالي او ټیکنالوژیکي خپلواکۍ ترڅنګ د خپلو کورنیو وړتیاوو د پیاوړتیا لپاره د انقرې هوډ او هدف په ګوته کوي.