د اسرائیل د دفاع وزیر، اسرائیل کاتز، د جمعې په ورځ د یمن د حوثي ډلې مشر عبدالمالک الحوثي ته د وژنې ګواښ وکړ او ویې ویل چې د اسرائیل بیرغ به د یمن په پلازمېنه صنعا کې ورپوي.

کاتز د امریکا پر ټولنیزه رسنۍ X (پخواني ټویټر) په یوه بیان کې، چې د اګست په ۲۸مه په صنعا کې د حوثي حکومت د لومړي وزیر احمد غالب الرهاوي او څو نورو وزیرانو وژنې ته په اشارې یې خپور کړی، لیکلي: "عبدالمالک الحوثي، اوس ستا وار دی. موږ به تا له خپل حکومت او د 'شر د محور' له ټولو هغو بزدلو غړو سره د لیدو لپاره ولېږو چې د دوزخ په تل کې درته په تمه دي."

کاتز همداراز زیاته کړه چې "د حوثیانو بیرغ به د اسرائیل په شین او سپین بیرغ بدل شي."

د یادونې وړ ده چې د اګست په ۲۸مه، د یمن پر پلازمېنه صنعا د اسرائیل په یوه هوایي برید کې، د حوثي ډلې د لومړي وزیر رهاوي او څو نورو وزیرانو په ګډون ۱۲ تنه جګپوړي حوثي چارواکي وژل شوي وو.

حوثیانو پر اسرائیل د توغندیزو او بې پیلوټه الوتکو بریدونه کړي او هغه کښتۍ یې په نښه کړي چې له اسرائیل سره تړاو لري یا هغه هېواد ته روانې دي. دغه ډله وایي، دا بریدونه په غزه کې د اسرائیل د هغو نسل وژونکو عملیاتو په غچ کې کوي چې د ۲۰۲۳ کال د اکتوبر له اوومې راهیسې یې پیل کړي دي.

د اسرائیل دغو بریدونو له امله تر ۶۵،۱۰۰ ډېر فلسطینیان، چې ډېری یې ښځې او ماشومان دي، وژل شوي، په سلګونو زره نور بې ځایه شوي او لږ تر لږه...