تورکیې د پاکستان د سمندري ځواکونو په سیالیو کې د سرو زرو درې مډالونه وګټل
د تورکیې د سمندري ځواکونو ټیم په کراچۍ کې په نړیوالو سیالیو کې برلاسی و، او د نهو نورو ګډون کوونکو هیوادونو ټیمونو څخه مخکې شو.
د پاکستان سمندري ځواکونو په یوه رسمي بیان کې ویلي چې تورکیې د پنجشنبې په ورځ د پاکستان په بندري ښار کراچۍ کې د نړیوالو سمندري سیالیو پنځمه دوره وګټله.
په دغو بحري سیالیو کې د بادچلونې، لامبو، د ژغورنې مهارتونو او سمندري چلن سیالۍ شاملې وې.
په اعلامیه کې ویل شوي: "تورکیې د درېیو سرو زرو مډالونو په ګټلو د اتلولۍ جام وګاټه، په داسې حال کې چې د ایران ټیم د دوهم مقام څښتن شو."
د کراچۍ قوماندان، مرستیال محمد فیصل عباسي، د دې مراسمو د ځانګړي مېلمه په توګه ګډون درلود.
عباسي ګټوونکو ته جایزې ورکړې، ګټونکو ټیمونو ته یې مبارکي ورکړه، او ټول ګډونوال یې وهڅول چې د مسلکي وړتیا لوړو معیارونو ته د رسېدو لپاره خپلې هڅې جاري وساتي.
د اذربایجان، اندونیزیا، ایران، ایټالیا، د سعودي عربستان سلطنت، عمان، سریلانکا، تورکیې، او متحده عربي اماراتو، ترڅنګ د کوربه هېواد پاکستان ټیم هم په دغو سیالیو کې برخه اخیستې وه.
دغه پیښه په پاکستان کې د اوبو سپورټونو د ودې او د سمندري ځواکونو ترمنځ د دوستانه سیالیو د هڅولو لپاره ترسره شوې وه.
د اعلامیې له مخې، په دې مراسمو کې د سمندري ځواکونو لوړ پوړو افسرانو، د بهرنیو خدماتو اتشو او ګڼ شمېر ملکي شخصیتونو ګډون کړی و.
