د ایران د بهرنیو چارو وزیر عباس عراقچي په قرغیزستان کې د روسیې د بهرنیو چارو له وزیر سرګي لاوروف او د پاکستان د بهرنیو چارو له وزیر محمد اسحاق ډار سره وکتل.
د بهرنیو چارو د وزیر عراقچي د رسمي ټیلیګرام پاڼې د معلوماتو له مخې، عراقچي چې په قرغیزستان کې د شانګهای د همکارۍ سازمان د بهرنیو چارو د وزیرانو د شورا په غونډه کې د ګډون لپاره تللی، له لاوروف او ډار سره یې جلا جلا لیدنې ترسره کړې.
په دغو لیدنو کې پر سیمه ییزو او نړیوالو موضوعاتو او همداراز پر ایران باندې د امریکا د بریدونو په اړه بحث او خبرې وشوې.
