چین: د امریکا لخوا د غزې طرحه شوی پریکړه لیک د فلسطین حکومتولۍ او د دوو دولتونو حل نه منعکس کوي
بیجینګ د غزې لپاره د جګړې وروسته د مهمو ترتیباتو په اړه د امنیت شورا پریکړه لیک "مبهم" بولي، بېجينګ يو ځل بيا ټينګار کوي چې دوی به د عادلانه او دوامدار حل د ترلاسه کولو لپاره خپلې رغندې هڅې جاري وساتي.
چین ادعا کړې چې د ملګرو ملتونو د امنیت شورا هغه پریکړه لیک چې د فلسطین په غزه سیمه کې د سولې بورډ او نړیوال ثبات ځواک ته واک ورکوي، د فلسطين حکومتولي او د دوو دولتونو حل په بشپړه توګه نه دی څرګند کړی.
د چين د بهرنيو چارو وزارت وياندې ماو نينګ د سې شنبې په ورځ په بېجينګ کې د يوه منظم خبري کنفرانس پر مهال وويل، په امريکايي پرېکړه ليک کې د غزې د جګړې وروسته ترتيباتو په مهمو موضوعاتو کې ابهام شته، او دا چې د فلسطينیانو د خپل هېواد د حکومت کولو مهم اصول او د دوو دولتونو حل په بشپړه توګه نه دي بيان شوي. دا د چين له ثابت دريځ سره توپير لري. همدا وجه ده چې چين پرې رایه ورنه کړه".
هغې وويل چې بېجينګ د ملګرو ملتونو د امنيتي شورا ملاتړ کوي چې "د اوربند د هڅولو، د بشري بحران د کمولو، او د بيا رغونې د بيا پيل لپاره اړين ګامونه پورته کړي."
ماو زياته کړه: "چين به رغنده اقدامات او مسؤلانه رول ته دوام ورکړي، او د فلسطين خلکو د خپلو مشروع حقونو د بېرته ترلاسه کولو په دې عادلانه مبارزه کې به ملاتړ کوي او د فلسطين د مسئلې د عادلانه او دوامداره حل لپاره به نه ستړې کېدونکې هڅې وکړي."
'په مهمو مسلو کې مبهم'
د چين د ملګرو ملتونو استازي فو کانګ هم د رایې وروسته په يوه اعلاميه کې وويل چې د پرېکړه ليک مسوده "په ګڼو مهمو مسایلو کې مبهمه ده"، چې پکې د نړيوال ثبات د ځواک د دایرې او جوړښت موضوع هم شامله ده.
د ملګرو ملتونو امنیت شورا د دوشنبې په ورځ د متحده ایالاتو لخوا چمتو شوی پریکړه لیک تصویب کړ، چې د سولې بورډ جوړول او په غزه کې د حکومتدارۍ، بیارغونې او امنیتي هڅو نظارت لپاره د نړیوال ثبات ځواک ته واک ورکول په ګوته کوي.
چین او روسیې له رایې ورکولو څخه ډډه وکړه.
د امريکا مسوده د اسرائيل ـ حماس د اوربند او د بنديانو د تبادلې د هوکړې د برخې په توګه وړاندې شوې، هغه هوکړه ده چې د ولسمشر ډونلډ ټرمپ د ۲۰ ماده ییز پلان پر بنسټ د اکتوبر پر ۱۰مه په غزه کې نافذه شوه.
د اوربند د تړون لومړۍ مرحله د اسرائیلو د بنديانو د خوشې کولو په بدل کې د فلسطينی بنديانو خوشې کول شامل دي. پلان د غزې بيا رغونه او د يوه نوي حکومت جوړښت رامنځته کول هم په پام کې نيسي، چې پکې د فلسطين د مقاومت ډله، حماس، برخه نه لري.
د ۲۰۲۳ کال له اکتوبر راهیسې، له ۶۹ زرو ډېر فلسطينيان چې ډېری يې ښځې او ماشومان دي شهيدان شوي، او له ۱۷۰ زرو زيات نور د اسرائیلو په نسل وژونکي جګړه کې ټپيان شوي، هغه جګړه چې غزه يې په کنډواله بدله کړې.
