منځنی ختیځ
3 د لوستلو دقیقې
په غزه کې د اسرائیلو په بریدونو کې په اکتوبر میاشت کې ۲۲ زده کوونکي او د ښوونکي وژل شوي دي
د سه شنبې په ورځ د فلسطین د پوهنې وزارت د خپرو شویو شمېرو له مخې، په اکتوبر میاشت کې د غزې په تړانګه کې د اسرائیلو په بریدونو کې لږ تر لږه ۱۴ د ښوونځي زده کوونکي او اته د پوهنې کارکوونکي وژل شوي دي.
په غزه کې د اسرائیلو په بریدونو کې په اکتوبر میاشت کې ۲۲ زده کوونکي او د ښوونکي وژل شوي دي
په غزه کې د اسرائیلو په بریدونو کې په اکتوبر میاشت کې ۲۲ زده کوونکي او د ښوونکي وژل شوي دي

ښوونځیو ته زیان، د تېلو کمښت او پر اکمالاتو او سفرونو محدودیتونه په دې تړانګه کې د ښوونې او روزنې بهیر نور هم ګډوډوي، او چارواکي خبرداری ورکوي چې دا سیسټم د سقوط له ګواښ سره مخ دی.

دغه وزارت ویلي چې وژل شوي زده کوونکي د شپږو او ۱۶ کلونو ترمنځ عمرونه لري. د پوهنې په وژل شویو کارکوونکو کې څلور ښوونکي، د اسلامي پوهنتون درې کارکوونکي چې د پوهنتون په انګړ کې په یوه برید کې ووژل شول، او یوه ښځینه استاده چې پر یوه استوګنځي (اپارتمان) په برید کې ووژل شوه، شامل دي.

د دوشنبې په وروستیو کې په یوه خپره شوې اعلامیه کې، دغه وزارت همدارنګه پر تعلیمي مرکزونو او لنډمهاله ټولګیو د بریدونو له امله د ماشومانو، د ښوونځیو او پوهنتونونو د زده کوونکو (محصلینو) او د پوهنې د کارکوونکو د ټپي کېدو راپور ورکړی دی.

بریدونو او د توکو کمښت ټولګي ګډوډ کړي دي

وزارت وویل، د استوګنې پر سیمو او تعلیمي مرکزونو د اسرائیلو ډزو په ډېرو ښوونځیو کې د ټولګیو ځنډولو یا درولو ته اړتیا پېښه کړې ده.

دې خنډونو د سوېلي خان یونس، ختیځ دیر البلح، په مرکزي غزه کې د البریج کډوالو کمپ او د دې تړانګې ځینې شمالي سیمې اغېزمنې کړې دي.

یاد وزارت همدارنګه خبرداری ورکړی چې د پولو پرله پسې تړل کېدو او د اسرائیلو محاصرې هغه فلسطیني محصلین له سفر کولو څخه منع کړي چې په بهر کې یې بورسونه (سکالرشیپونه) ترلاسه کړي دي، چې له امله یې ځینې د خپلو زده کړو دوام ته نه دي توانېدلي.

محدودیتونو د اړینو تعلیمي توکو د ننوتلو مخه هم نیولې ده، چې په کې د ویجاړ شویو ښوونځیو د رغولو لپاره ساختماني توکي، د لنډمهاله ټولګیو لپاره خیمې، د ښوونځي فرنیچر، او د مسلکي زده کړو او معلولو زده کوونکو لپاره تجهیزات شامل دي.

وزارت وویل، د تېلو کمښت ښوونځیو او پوهنتونونو ته د رسېدو لپاره د زده کوونکو وړتیا نوره هم محدوده کړې او د برېښنا هغه جنراتورونه یې له کاره غورځولي چې د تعلیمي بنسټونو لخوا کارول کېدل.

دې وزارت پر نړیوالې ټولنې، د ملګرو ملتونو پر ادارو او بشري او د بشري حقونو پر سازمانونو غږ کړی چې د زده کوونکو او ښوونکو په ساتنه کې مرسته وکړي، پر تعلیمي مرکزونو بریدونه ودروي او د اړینو توکو رسېدل ډاډمن کړي.

د ښوونې او روزنې سیسټم له مخ په زیاتېدونکي زیان سره مخ دی

د غزې د حکومت د رسنیو د دفتر په وینا، د ۲۰۲۳ کال د اکتوبر له میاشتې راهیسې په دې تړانګه کې ۹۵ سلنه ښوونځیو ته د اسرائیلو د بریدونو له امله زیان رسېدلی دی.

د پوهنې وزارت هغه شمېرې چې په جولای میاشت کې خپرې شوې، ښيي چې د ۲۰۲۳ کال د اکتوبر او د ۲۰۲۶ کال د جولای ترمنځ د ښوونځي په عمر څه باندې ۲۰،۰۵۱ زده کوونکي او له ۵۳۲ څخه زیات ښوونکي وژل شوي دي.

د ورکړل شویو شمېرو له مخې، سره له دې چې د ۲۰۲۵ کال د اکتوبر په ۱۰مه د اوربند هوکړه لیک نافذ شوی، خو بیا هم د اسرائیلو په بریدونو کې په غزه کې ۱۵۹۳ فلسطینیان وژل شوي او ۵۷۴۸ نور ټپیان شوي دي.

د فلسطیني چارواکو لخوا د وړاندې شویو شمېرو له مخې، دا اوربند پر غزې د اسرائیلو له دوه کلنې جګړې وروسته وشو، چې له امله یې څه باندې ۷۴،۰۰۰ فلسطینیان وژل شوي، تر ۱۷۵،۰۰۰ ډېر ټپیان شوي او د دې تړانګې شاوخوا ۹۰ سلنه ملکي بنسټونه ویجاړ شوي دي.

 

وپلټۍ
په لسګونو زرو کسانو  هالنډ په  امسټرډام کې د اسرائیلو پر وړاندې د سختو اقداماتو په غوښتنه لاریون وکړ
د مهمو خبرونو غورچاڼ
په برازیل کې یوه جهیل ته د موټر لوېدو له امله د ماشومانو په ګډون ۱۰ تنو ژوند د لاسه ورکړی .
حوثي ملیشو د سعودي عربستان په یو مهم مالي مرکز برید وکړ.
ولسمشر اردوغان له ټرمپ سره ټيلیفوني خبرې وکړې
د اذربایجان ولسمشر علي یف د ولسمشر اردوغان نه په هوايي ډګر کې هر کلی وکړ.
اردوغان:هغه کسان چې د تورکیې او اذربایجان د ورورولۍ کمزوري کول غواړي،هېڅکله به خپلو موخو ته نایل نشي
د تورکیې بهرنیو چارو وزیر فیدان خبرداری ورکړ چې سمندري دهلیزونه د جګړې په ډګرونو بدلېدای شي.
د ملګرو ملتونو د مشرۍ لپاره د تورکيې نوماند فریدون سینیرلي اوغلو  خپل پلان په ډاګه کړ
روسيې د کیف ترڅنګ د انرژۍ تاسیسات په نښه کړي او یو مهم پل یې زیانمن کړی
د خبرو اترو لسیزه: د ټي آر ټي (TRT) نړیوال فورم ۲۰۲۶ په استانبول کې پیل شو
ابراهیم قالن :  له غزې پرته فلسطین ناشونی دی، او د اسرائیلو د اشغال له پای ته رسولو پرته سوله ناشوني
د تورکیې ولسمشر اردوغان د غزې په تړاو پر تړونونو د عمل کولو یادونه وکړه
د فلسطین چارواکي وايي، د اسرائیلو بریدونو په غزه کې تر ۶۸ میلیون ټنو پورې ملبه پریښې ده
فیدان: د مکې اتحاد د هغو سیمه‌ییزو هېوادونو پر مخ پرانیستی دی چې د سولې ګډ لید لوری لري.