راپور زیاته کړې، هېڅ یو توغندی هم پر هدف نه دی لګېدلی، چې د ایران له خاورې څخه شاوخوا ۲۵۰۰ مایله (۴۰۰۰ کیلومتره) لرې دی، خو دغه توغونه دا په ډاګه کوي چې تهران تر هغه څه اوږد واټن ویشتونکي توغندي لري چې پخوا یې په اړه فکر کېده.
پنټاګون په دې اړه له څه ویلو ډډه کړې ده.
ژورنال راپور ورکړی، چې یو توغندی په هوا کې ناکام شو، او بل د یوې امریکايي جنګي بېړۍ څخه د توغول شوي دفاعي توغندي له خوا په نښه شو، که څه هم دا روښانه نه ده چې ایا توغندی ویشتل شوی که نه.
د چاګوس په ټاپوګانو کې ډیګو ګارشیا له هغو دوو اډو څخه یوه ده چې برېتانیا امریکا ته په ایران کې د "دفاعي" عملیاتو لپاره د کارولو اجازه ورکړې ده.
امریکايي ځواکونو په دغه اډه کې بم غورځوونکې الوتکې او نور تجهیزات ځای پر ځای کړي دي، چې د اسیا د عملیاتو لپاره یو کلیدي مرکز دی، او په افغانستان او عراق کې د امریکا د بمبارۍ کمپاینونه هم پکې شامل دي.
برېتانیا موافقه کړې چې د چاګوس ټاپوګان، چې له ۱۹۶۰ لسیزې راهیسې یې په واک کې دي، بېرته موریشس ته وسپاري، خو په ډیګو ګارشیا کې، چې د دغو ټاپوګانو تر ټولو لوی دی، د پوځي اډې لپاره خپله اجاره ساتي.
د امریکا ولسمشر ډونالډ ټرمپ پر دغې پرېکړې سخته نیوکه کړې ده.
