د فرانسې ولسمشر ایمانویل مکرون د امریکا له ولسمشر ډونالډ ټرمپ او د ایران له ولسمشر مسعود پزشکیان دواړو سره خبرې وکړې، او هغوی ته یې ویلي چې د اوربند منلو پریکړه "تر ټولو غوره ممکنه پریکړه" ده.
د فرانسې ولسمشر ایمانویل مکرون ویلي دي چې د امریکا او ايران ترمنځ اوربند بايد د پراخو خبرو د پيل ټکی وګرځي، ترڅو د سيمې اوږدمهاله ثبات تضمين شي.
ماکرون په ايکس کې په یوه پوسټ کې، وويل چې د ايران له ولسمشر مسعود پزشکیان او د امريکا له ولسمشر ډونالډ ټرمپ سره يې خبرې کړې، او دواړو ته يې وويل چې «د اوربند منل يې تر ټولو غوره ممکنه پرېکړه ده.»
هغه د بشپړ امنیت پر اهمیت ټینګار وکړ، هیله یې څرګنده کړه چې "د جګړې په ټولو برخو کې د ټولو خواوو لخوا د اوربند بشپړ درناوی وشي، په شمول د لبنان."
مکرون دا د اوربند د باور وړ او دایمي کېدو لپاره «ضروري شرط» وباله.
هغه ټينګار وکړ چې اوربند بايد «د پراخو خبرو لپاره لاره هواره کړي، ترڅو د منځني ختيځ د ټولو خلکو امنیت تضمين شي.»
هغه زياته کړه چې هر ډول توافق بايد د ايران د اټومي او بالستيک پروګرامونو اندېښنې، د سيمې سياستونه او د هرمز تنګي اغېزې هم په پام کې ونیسي.
مکرون وویل چې فرانسه به د سیمه ییزو شریکانو سره په همغږۍ کې د "قوي او دوامداره سولې" په جوړولو کې خپل رول ولوبوي.
هغه همداراز د چهارشنبې په ورځ د قطر، متحده عربي اماراتو، لبنان او عراق له مشرانو سره هم په دې موضوع خبرې وکړې.
ټرمپ د ايران سره دوه اوونيز اوربند د سې شنبې په ورځ اعلان کړ او ويې ويل چې تهران د خبرو لپاره يو «قابل عمل» لس ماده ييزه وړانديز وړاندې کړی دی.
دا اعلان د هغه ضرب الاجل څخه لږ تر لږه دوه ساعته مخکې وشو چې ټرمپ څو ځله د ايران لپاره د هرمز تنګي د بیا پرانستلو او د توافق منلو لپاره غځولې وه، که نه نو پراخه ویجاړی به رامنځته شوی وای.
