ټرمپ وايي د غزې جګړه پای ته ورسېده
وروسته له هغې چې حماس ټول بنديان خوشې کړل او اسرائیل د بنديانو د خوشې کولو لړۍ پیل کړه د امریکا ولسمشر ټرمپ د اسرائیل د غزې جګړې پایته رسیدل اعلان کړل.
د امریکا ولسمشر ډونالډ ټرمپ د دوشنبې په ورځ وویل چې د محاصرې لاندې په غزه کې د اسرائیل جګړه په رسمي توګه پای ته رسېدلې ده، یوازې څو دقیقې وروسته له هغې چې د فلسطیني مقاومت ډلې حماس د سمندر غاړې له تړانګې څخه ټول ۲۰ ژوندي اسرائیلي بنديان خوشې کړل.
کله چې یو خبریال ترې وپوښتل چې ایا جګړه پای ته رسېدلې ده، ټرمپ په لنډ ډول وویل: "هو"، هغه مهال چې د اسرائیلي پارلمان غړو ته د وینا لپاره چمتو کېده.
د انادولو خبري آژانس د یوه خبریال په وینا، د حماس نظامي څانګې، القسام کنډکونو، د دوشنبې په ورځ د ۲۰ ژوندیو اسرائیلي بنديانو د خوشې کولو لړۍ بشپړه کړه.
بنديان په دوو ډلو کې د سره صلیب ټیمونو ته په غزه کې وسپارل شول.
د ټرمپ د ۲۰ ماده ييز اوربند تړون له مخې، د اسرائیلي بنديانو د خوشې کولو په بدل کې د ۱,۹۶۸ فلسطیني بندیانو د خوشې کولو بهیر هم روان دی، چې په هغو کې ۲۵۰ تنه د عمري قید سزا لرونکي دي.
د فلسطیني بندیانو د رسنیو د دفتر د دوشنبې د معلوماتو له مخې، د فلسطینیانو د خوشې کولو بهیر هم پیل شوی، ځکه چې بسونه د اسرائیلو له زندانونو څخه د غزې او اشغال شوې لوېدیځې غاړې پر لور روان شوي دي.
