د کابل نه د ترلاسه شوي راپور له مخې د شاپور ځدران په کابل کې پدې وروستیو کې لیدل شوې تر ټولو ستره جنازه وه. د افغانستان د هر ګوټ نه د ځدران مینه والو د هغه د جنازې په مراسمو کې ګډون کړی وو.
ویل کیږي په زرګونه مینه والو د پنجشنبې په ورځ په کابل کې د افغان چټک بالر شاپور ځدراڼ په جنازه کې ګډون وکړ، هغه څوک چې په نړیوال کرکټ کې یې د افغانستان د لومړني پرمختګ په برخه کې د پام وړ مرسته کړې وه.
ځدراڼ د سه شنبې په ورځ - د خپلې ۳۹مې کلیزې څخه یوه ورځ مخکې - په هند کې په یوه روغتون کې ، چې ساه ورکړه . د ویلو ده چې هغه د اوږدې مودې راهیسې د معافیت سیسټم د یوې نادرې ناروغۍ (rare immune system disorder) له امله تر درملنې لاندې وو.
د کابل په مرکز کې په عیدګاه جومات کې د هغه د جنازې په مراسمو کې د افغانستان د کرکټ مشهورو ستورو سربیره دولتي چارواکو په زرګونو تنو ګډون کړی و. په دغه مراسمو کې د طالبانو یو شمېر چارواکي هم حاضر وو.
۲۷ کلن سوداګر وحید الله وحدت چې په جنازه کې یې ګډون کړی و، وویل: "کله چې مې په ټولنیزو رسنیو کې ولیدل چې شاپور نور زموږ په منځ کې نشته، له سترګو مې اوښکې روانې شوې." وحدت زیاته کړه چې ځدراڼ، چې په خپلو اوږدو ویښتانو مشهور و، یو "متواضع او وفادار شخص" و.
۱۸ کلن محمد عثمان مفتون د ځدراڼ مړینه "د ملت لپاره یوه لویه ضایعه" وبلله.
د افغانستان کرکټ بورډ ځدراڼ د هېواد د سپورت د "بنسټ ایښودونکي شخصیت" په توګه یاد کړ، چې سرښندنې او ژمنتیا یې له ملي ټیم سره د نړیوال ستیج تر کچې په رسېدو کې مرسته کړې وه.
شاپور ځدراڼ چې یو تکړه چپ لاسی تیز بالر و، د ۲۰۰۹ او ۲۰۲۰ کلونو ترمنځ یې ۴۴ یو ورځنۍ نړیوالې او ۳۶ شل اوریزې لوبې کړې وې؛ دا د هېواد په کچه د کرکټ د چټکې ودې دوره وه. هغه د ۲۰۱۰ او ۲۰۱۶ کلونو ترمنځ په څلورو شل اوریزو نړیوالو جامونو کې برخه اخیستې وه، چې په نهو لوبو کې یې نهه وېکټې اخیستې وې.
کرکټ بورډ وویل: "هغه د هغو ویاړلو کرکټرانو له ډلې و چې د افغان کرکټ د لومړني سفر په زړه کې ولاړ و او د هغې لارې په جوړولو کې یې مرسته وکړه چې افغان کرکټ یې نړیوالې کچې ته ورساوه."
