تورن جنرال حبیب الله خاتمي دا وړاندیز د "خبریالانو ورځې" په مناسبت یوې غونډې ته د وینا پر مهال وکړ. د مهر خبري اژانس د راپور له مخې، خاتمي وویل: «که کوم ایرانی تبعه یو امریکايي سرتېری چې زموږ پر خاوره برید کوي، ونیسي او یا یې ووژني، هغوی ته به ۳۰،۰۰۰ ډالره جایزه ورکړل شي.»

هغه زیاته کړه چې دا انعام به د خلکو د شخصي بسپنو (مرستو) له لارې تمویل او ورکړل شي.

خاتمي همدارنګه وویل چې هغه ښځینه اتباع چې یو بریدګر امریکايي سرتېری ونیسي یا یې ووژني، هغوی ته به د ټاکل شوي انعام دوه چنده (۶۰،۰۰۰ ډالره) جایزه ورکړل شي.

دا اعلان په داسې حال کې کیږي چې د تهران او واشنګټن ترمنځ ترینګلتیا زیاته شوې او په منځني ختیځ کې نظامي اصطکاک په ډېرېدو دی.

د امریکا د دفاع وزارت تر اوسه د خاتمي د دغو څرګندونو په اړه په رسمي ډول غبرګون نه دی ښودلی.