روسیې ویلي دي چې امریکا د ایران پر وړاندې باید تهدیدامیزه ژبه پایته ورسوي.

د روسیې د بهرنیو چارو وزیر لاوروف او عراقچي له واشنګټن څخه وغوښتل چې په ملکي زیربناوو "غیرقانوني بریدونه" ودروي، په شمول د ایران د بوشهر اټومي بټۍ چې کارمندان یې روسي تخنیکران دي.

د روسیې د بهرنیو چارو وزیر سرګي لاوروف د یکشنبې په ورځ وویل چې واشنګټن باید "د ضرب‌الاجل او ګواښونو نه ډکه  ژبه پرېږدي" او بېرته خبرو ته راستون شي. د روسیې د بهرنیو چارو وزارت ویلي دي چې لاوروف د  عراقچي سره ټیلیفوني خبرې وکړې.

د لاوروف څرګندونې وروسته له هغې وشوې چې د امریکا ولسمشر ډونالډ ټرمپ په یوه تند پیغام کې ګواښ وکړ چې که د هرمز تنګي خلاص نه شي، د ایران د بریښنا فابریکې او پلونه به په نښه کړي.

د مسکو په یوه خبرپاڼه کې لاوروف د عباس عراقچي سره د خبرو اترو په اړه ویل شوي چې "روسي لوري هیله څرګنده کړه چې د ایران شاوخوا د تاوتریخوالي کمولو لپاره د یو شمیر هیوادونو لخوا ترسره شوي هڅې به بریالۍ شي."

راپور زیاته کړه: "دا به هغه وخت اسانه شي چې امریکا د  ګواښونو او ضرب‌الاجل ژبه پرېږدي او وضعیت بېرته د خبرو اترو لوري ته راوګرځوي."

لاوروف او عراقچي هم په واشنګټن غږ وکړ چې "په ملکي زیربناوو باندې غیرقانوني بریدونه" ودروي، لکه د بوشهر اټومي بریښنا فابریکه، چیرې چې روسي تخنیکران کار کوي.

د روسیې دولتي رسنیو راپور ورکړ چې مسکو د شنبې په ورځ له هغه ځایه د خپلو ۱۹۸ کارګرانو ایستل پیل کړل چې د امریکا او اسرائيلو توغندي د فابریکې نږدې ویشتل شوي وو.