د پوهنتون لخوا په خپره شوې خبرپاڼه کې راغلي، پدې رنګینو او په زړه پورې مراسمو کې  د بېلابېلو هېوادونو زده کړیالانو د خپلو ملي  موسیقیو، نڅاګانو، دودیزو جامو او خوندورو خوړو له لارې د خپلو کولتورونو د  معرفي کولو فرصت ورکړ شو.

د مراسمو په پرانیسته کې د اوستیم تخنیکي پوهنتون مرستیال، پروفیسور ډاکټر مصطفی پولات وویل، دا پوهنتون د ۸۳ بېلابېلو هېوادونو  نه د ۲۳۰۴ زده کړیالانو په لرلو سره په اصل کې یوه کوچنۍ نړۍ ده.

پولات دې ته په اشارې سره چې دا تنوع یوازې یوه شمیره نه ده، زیاته کړه چې دا د کولتوري، فکري او انساني ارزښتونو له پلوه یوه لویه شتمني ده. نوموړي دغه راز وویل چې د دې پروګرام اصلي جوړونکي پخپله زده کړیالان دي او په نړۍ کې یې د سولې، دوستۍ او متقابل تفاهم هیله وکړه.

په دغو مراسمو کې د افغانستان، اذربایجان، اندونیزیا، فلسطین، ګینې، سویلي کوریا، عراق، ایران، کمبوډیا، قزاقستان، مالیزیا، مالي، مصر، نایجر، نایجیریا، اوزبیکستان، پراګوای، روسیه، روانډا، سومالیا، سرېلانکا، سوډان، سوریې، تاجکستان، ټایلنډ، تونس، اردن او یمن ګډونوالو شتون درلود. دغه راز نړیوالو سازمانونو لکه SESRIC، TİKA او TÜRKSOY هم په دې برخه کې خپله همکاري کړې وه.

په دې غونډه کې د اوستیم تخنیکي پوهنتون رئیس پروفیسور ډاکټر مراد یولیک، د بهرنیو چارو وزارت مرستیال موسی کولاکلی کایا، د TÜİK مرستیال فورکان متین، د کیچیورن ښاروالۍ مرستیال محمد ایګون، د TÜRKSOY د څانګې مشر ملک اوزسوز او د ډېرو هېوادونو استازو او مېلمنو ګډون کړی و.