د امریکا د مینیسوټا ایالت په مینیپولیس ښار کې د وسله والو ډزو په پایله کې ۲ تنه وژل شوي او د دوو پولیسو په ګډون یو شمېر نور کسان ټپیان شوي دي.

چارواکو د پېښې په اړه په خپره شوې اعلامیه کې ویلي چې دا وسله وال برید د مینیپولیس ښار په مرکز کې رامنځته شوی دی.

چارواکو څرګنده کړې چې په دې برید کې د دوو پولیسو په ګډون ګڼ شمېر کسان ټپیان شوي، خو د پولیسو د ژوند د خطر او د ټپیانو د کره شمېر په اړه یې نور جزئیات نه دي شریک کړي.

د پولیسو مسوولینو وروسته په یوه بیان کې وویل چې یو تن د پېښې په ځای کې او بل تن په روغتون کې د سختو ټپونو له امله ساه ورکړې ده.

له بلې خوا، چارواکو زیاته کړه چې یو بل کس چې ګومان کېږي بریدګر به وي، هم مړ موندل شوی دی.