د YPG ترهګرې ډلې د حلب په کلیوالو سیمو کې د سوریې د پوځ پر پوستو ۲۵ ډرون بریدونه وکړل
د سوریې پوځ ویلي دي چې د YPG ترهګرې ډلې د حلب په کلیوالو سیمو کې د دوی پر پوستو له ۲۵ څخه ډیر ځانمرګي ډرون بریدونه کړي دي، چې په دې سره یې له نوي غځول شوي اوربند څخه سرغړونه کړې ده. د سوریې دولتي خبري اژانس (SANA) د دې خبر پخلی کړی دی.
د YPG ترهګرې ډلې د حلب په کلیوالو سیمو کې د سوریې د پوځ پر پوستو ۲۵ ډرون بریدونه وکړل
د سوریې پوځ وايي چې YPG د عین العرب سیمې په شاوخوا کې د پوځ پر ځای پر ځای شویو پوستو د په نښه کولو لپاره له ۲۵ څخه ډیرې FPV ډوله چاودیدونکي ډرون الوتکې کارولي دي.
د سوریې پوځ ویلي دي چې د YPG ترهګرې ډلې د حلب په کلیوالو سیمو کې د دوی پر پوستو له ۲۵ څخه ډیر ځانمرګي ډرون بریدونه کړي دي، چې په دې سره یې له نوي غځول شوي اوربند څخه سرغړونه کړې ده. د سوریې دولتي خبري اژانس (SANA) د دې خبر پخلی کړی دی.
د پوځ د عملیاتو قوماندانۍ د یکشنبې په ورځ په یوه بیان کې وویل چې د YPG ځواکونو د عین العرب (کوباني) سیمې په شاوخوا کې د سوریې د پوځ پر ځای پر ځای شویو پوستو د ۲۵ څخه د زیاتو FPV ډوله چاودیدونکو ډرون الوتکو په وسیله بریدونه کړي دي. د دغو بریدونو په پایله کې د پوځ څلور موټر ویجاړ شوي دي.
په بیان کې زیاته شوې چې YPG د M4 لویې لارې او نږدې کلیو باندې هم بریدونه کړي، چې له امله یې یو شمیر ملکي وګړي ټپیان شوي دي.
د عملیاتو قوماندانۍ ویلي چې پوځ دا مهال د ساحې وضعیت ارزوي او د ځوابي اقداماتو پر لارو چارو غور کوي. په بیان کې راغلي: "د سوریې پوځ د ملکي وګړو او خپلو ځای پر ځای شویو پوستو د په نښه کیدو په ځواب کې پر خپلو عملیاتي انتخابونو غور کوي او لازم اقدامات به ترسره کړي."
دا بریدونه یوه ورځ وروسته له هغه کیږي چې د سوریې حکومت د شنبې په ورځ له YPG سره اوربند د ۱۵ نورو ورځو لپاره وغځاوه. تر دې مخکې، د سوریې حکومت ویلي وو چې له YPG سره څلور ورځنی اوربند پای ته رسیدلی او چارواکي د دې هوکړې له پای ته رسیدو وروسته پر خپلو راتلونکو ګامونو غور کوي.