د امریکا د استازو مجلس د امنیتي اندیښنو له امله د خپل پرسونل د واټسپ په کارولو بندیز ولګو.
د امریکا د استازو مجلس د دوشنبې په ورځ د یوې یادښت له لارې چې ټولو کارکوونکو ته استولی دی ، پکې له هغوې غوښتنه کړې چې د دولت لخوا دوې ته په ورکړ شوو ټیلیفونونو ، کمپیوټرونو او نورو الاتو کې د میټا د واټس اپ پیغام رسونې پلیټ فارم د کارونې څخه ډډه وکړي. د رسنیو د راپورونو له مخې، دا بندیز د سایبر امنیت د دفتر د سپارښتنې پر بنسټ لګول شوی دی.
په یادښت کې ویل شوي: "د سایبر امنیت دفتر واټس اپ د کاروونکو لپاره د لوړ خطر په توګه ګڼلی، ځکه چې د دې پلیټ فارم د کاروونکو د معلوماتو د ساتنې په اړه شفافیت نشته، ذخیره شوي معلومات نه کوډیږي، او د دې کارونې سره تړلي احتمالي امنیتي خطرونه شتون لري." دا یادښت د ټیکنالوژۍ لوی شرکت د اداري افسر لخوا خپور شوی و.
په یادښت کې د استازو مجلس کارکوونکو ته سپارښتنه شوې چې د نورو پیغام رسونې اپلیکیشنونو لکه د امازون د ویکر، د ایپل iMessage او FaceTime، او د مایکروسافټ ټیمز پلیټ فارم او سیګنال څخه ګټه واخلي.
د میټا ویاند په دې اړه یوه اعلامیه خپره کړه او ویې ویل چې شرکت د دې پرېکړې سره په کلکه مخالفت کوي. هغه زیاته کړه چې د واټس اپ پلیټ فارم د امنیت په برخه کې د مجلس په یادښت کې د یادو شویو نورو اپلیکیشنونو په پرتله لوړ معیارونه لري.
د جنورۍ په میاشت کې، د واټس اپ یوه چارواکي وویل چې د اسرائیلي جاسوسي شرکت پاراګون سلوشنز د دې پلیټ فارم ګڼ شمېر کاروونکي، په شمول د خبریالانو او مدني ټولنې غړي، په نښه کړي دي.
په ۲۰۲۲ کال کې، د استازو مجلس د امنیتي مسایلو له امله د ټیک ټاک ټولنیز پیغام رسونې پلیټ فارم د ټولو کارکوونکو لپاره منع کړی و.
