د تورکیې ولسمشر رجب طیب اردوغان د دوشنبې په ورځ د یو رسمي سفر په ترڅ کې د سویلي کوریا پلازمینې سیول ته ورسید.
د ویلو ده چې ددې سفر موخه له سویلي کوریا سره د تورکیې د ستراتیژیکو اړیکو پیاوړي کول دي.
د ولسمشر اردوغان سره د سویلي کوریا په هوايي هډه کې ددې هیواد د سوداګرۍ د وزیر پارک جونګ سونګ لخوا هر کلی وشو. همداشان د هر کلي په مراسمو کې په سویلي کوریا کې د تورکیې سفیر فاتح یلدز هم شتون درلود.
ټاکل شوې چې ولسمشر اردوغان به سبا سې شنبه د سویلي کوریا د ولسمشر لي جای میونګ سره وګوري. د ولسمشر اردوغان دا سفر به د نوامبر تر ۴ مې نیټې دوام وکړي.
د ولسمشر اردوغان سره پدې سفر کې د بهرنیو چارو وزیر هاکان فیدان ، د انرژۍ او طبعي زیرمو وزیر الپ ارسلان بیرقدار او د دفاع وزیر یاشر ګولر ، د صنعت او ټکنالوژۍ وزیر محمد فاتح کاجر، د عدالت او پراختیا ګوند مرستیال خالد یره باکان او دفاعي صنایعو رئیس هالوک ګورګون هم ملګرتیا کوي.
