امریکا پر ایران تر بریدونو وروسته د لا زیاتو پرمختللو B2 ډوله بم غورځوونکو الوتکو فرمایش ورکړ

امریکا د ایران پر اټومي تاسیساتو تر بریدونو وروسته د لا زیاتو پرمختتللو B2 ډوله بم غورځوونکو الوتکو فرمایش ورکړی دی.

د امریکا ولسمشر ډونالد ټرمپ وايي، امریکا د B-2 ډوله نورو بم غورځونکو الوتکو فرمایش ځکه ورکړی، چې د ایران د بریدونو پر مهال "باور نه کېدونکې" او "په بشپړه توګه پټ یو ماموریت يي ترسره کړ.

د امریکا ولسمشر ډونالډ ټرمپ ویلي، چې امریکا د سږ کال په پیل کې د ایران پر اټومي تاسیساتو له بریدونو وروسته د "ډیرو نورو" B-2 سپیریټ سټیلټ بم غورځونکو الوتکو فرمایش  ورکړی دی.

ټرمپ د پنجشنبې په ورځ د امریکا له پوځي غړو سره په انلاین خبرو کې وویل: "تاسو ولیدل چې د ایران سره، د هغو ښایسته B-2 بم غورځونکو الوتکو په وسیله، دوی په بشپړه توګه د ایران اټومي وړتیا، اټومي زیرمې له منځه یوړې."

هغه زیاته کړه: "موږ همدا اوس لا زیاتو B-2 ډوله  الوتتکو سپارښتنه ورکړې ده. او ددې خبرې لامل  دادی چې دا الوتکې په باور نه کیدونکې توګه بریالۍ او په ډیره پټه توګه يي خپل ماموریت ترسره کړ. دا ډیرې پرمختللې او بریالۍ الوتکې دي.

ټرمپ د جون په میاشت کې د ایران د فردو او نطنز پر اټومي تاسیساتو د امریکا د بریدونو اجازه ورکړه، په داسې حال کې چې اندیښنې موجودې وې چې دا اقدام به په سیمه کې د پراخ کړکیچ لامل شي.

پنټاګون ویلي، چې د "نیمې شپې همر" په نوم په دې عملیاتو کې د B-2 الوتکو څخه ۱۴ درې زره پونډه بنکر بسټر بمونه غورځول شوي دي.

د نورتروپ ګرومن لخوا جوړه شوې B-2 سپیریټ، د امریکا یو له پرمختللو اوږد واټن ویشتونکو پټو الوتکو څخه ده چې د پیچلو هوایي دفاعي سیسټمونو د ننوتلو او په لوړ ارزښت لرونکو اهدافو د دقیقو بریدونو لپاره ډیزاین شوې ده.

تیر اکتوبر کې، ولسمشر ډونالډ ټرمپ اعلان وکړ چې امریکا د ۲۸ نویو B-2 پټو بم غورځونکو الوتکو فرمایش ورکړی دی.

ټرمپ دا هم وویل چې امریکا د B-2 "نوې او پرمختللې" نسخه امر کړې ده.

په اضافي پټو پلیټ فارمونو کې د پانګونې پریکړه د دښمنو هوایي دفاعي سیسټمونو، په ځانګړې توګه د چین او روسیې لخوا رامینځته شوي سیسټمونو د وړتیاوو په اړه مخ پر ودې اندیښنې هم په ګوته کوي.