تورکي لوبغاړي به د سپټمبر پر ۵مه، د شنبې په ورځ له خپلو سربیایي سیالانو سره د پایلوبې (فاینل) ته د وتلو لپاره مبارزه وکړي.
د تورکیې ملي لوبډلې د جرمني په وړاندې په دې بریا سره نه یوازې د اروپا په کچه په وروستیو څلورو لوبډلو کې ځای وموند، بلکې د ۲۰۲۷ کال نړیوال جام کې یې هم د ګډون حق ترلاسه کړ.
د مقرراتو له مخې، د اروپا د اتلولۍ په سیالیو کې لومړۍ درې غوره لوبډلې د ۲۰۲۷ کال نړیوال جام ته لار پیدا کوي.
له هغو څلورو لوبډلو څخه چې نیمه پایلوبې ته یې لاره موندلې، ایټالیا د تېر پړاو د اتلولۍ له امله په مستقیم ډول د ۲۰۲۷ نړیوال جام ته ځي.
د ایټالیا د مستقیم تګ له امله، د تورکیې ترڅنګ سربیا او پولنډ هم، چې په نیمه پایلوبه کې لوبېږي، د ۲۰۲۷ کال نړیوال جام کې خپل ګډون باوري کړ.
د والیبال نړیوال جام به د ۲۰۲۷ کال د اګسټ له ۲۰مې څخه د سپټمبر تر ۵مې پورې په امریکا او کاناډا کې ترسره شي.
